17.01.2026 | 13:45
UFC-ի չեմպիոն Իլյա Տոպուրիան հայտնել է՝ երբ է վերադառնալու օկտագոն
Ռաֆայել Հովհաննիսյանը փայլուն հաղթանակով դուրս եկավ եզրափակիչ. Բռնցքամարտի ԵԱ
29.05.2022 | 18:13
Երևանում ընթացող Եվրոպայի բռնցքամարտի առաջնության 86 կգ քաշայինների կիսաեզրափակչում Հայաստանի ներկայացուցիչ Ռաֆայել Հովհաննիսյանը մենամարտել է լեհ Թոմաշ Նիեժեվսկու հետ և երեք ռաունդում էլ ունենալով բացահայտ առավելություն՝ տպավորիչ հաղթանակի հասել: Այս մասին տեղեկացնում են ԿԳՄՍ նախարարությունից։
Հովհաննիսյանը դուրս է եկել Եվրոպայի առաջնության եզրափակիչ, որտեղ վաղը՝ մայիսի 30-ին, կմենամարտի Վրաստանի ներկայացուցիչ Գեորգի Կուշինաշվիլիի հետ:
«Ամեն ինչ գերազանց էր: Լավ էի պատրաստվել ու նույն կերպ փորձելու եմ շարժվել դեպի ոսկին»,- ասել է Ռաֆայել Հովհաննիսյանը՝ նաև շնորհակալություն հայտնելով երկրպագուներին աջակցության համար:
Այսօր երեկոյան Հայաստանը ևս 3 ներկայացուցիչ կունենա ԵԱ-ի կիսաեզրափակչում: Արթուր Բազեյանը եզրափակիչ դուրս գալու համար կպայքարի բուլղարացի Խավիեր Իբանեզ Դիասի, Հովհաննես Բաչկովը՝ հունգարացի Ռիչարդ Կովացսի, իսկ Նարեկ Մանասյանը՝ Իսպանիայի ներկայացուցիչ Էմանուել Ռեյեսի հետ:
