19.12.2025 | 23:10
Պետությունը շարունակելու է աշխատանքներ իրականացնել սոցբնակարանային ֆոնդի ընդլայնման ուղղությամբ. ԱՍՀ նախարար
Գյումրիում ընդդիմությունն ավտոերթ է անցկացրել
Քաղաքականություն
28.05.2022 | 17:55
Այսօր ընդդիմադիր քաղաքական ուժերի՝ ՀՀԿ-ի, ՀՅԴ-ի, ինչպես նաև «Ես համաձայն չեմ» շարժման ներկայացուցիչներն ավտոերթ են անցկացրել Գյումրու փողոցներում։
«Ես համաձայն չեմ» շարժման առաջնորդ Կարապետ Պողոսյանը մեզ հետ զրույցում ասաց․ «Այս ավտոերթը մեր սովորական ավանդական ավտոերթերից տարբերվում էր նրանով, որ նշում էինք մեր Առաջին Հանրապետության տոնը։ Քաղաքացիներին բացի իրազեկելուց, որ օր առաջ պիտի ազատվել այս իշխանություններից, որպեսզի չկորցնենք պետականությունը, միևնույն ժամանակ նաև հիշեցրինք, թե ինչքան լավ բան է հանրապետություն ունենալն ու հանրապետության տոն նշելը»։
Նա նշեց, որ ավտոերթն անցել է առանց միջադեպերի, ոստիկանությունը պատշաճ հսկողություն է իրականացրել։
Ավտոերթն ավարտվել է հարգանքի տուրք մատուցելով Անդրանիկ Զորավարի պուրակում, որտեղ 19-րդ դարավերջի ու 20-րդ դարի սկզբի պետական գործիչների կիսանդրիներն են տեղադրված։
Արմիկ Մովսիսյան
