07.05.2024 | 23:30
ԵԽ-ն Թուրքիային կոչ է անում ազատ արձակել կալանավորված լրագրողներին
Ալիևը հայտարարել է, թե Լեռային Ղարաբաղի կարգավիճակի մասին «խոսք լինել չի կարող»
Քաղաքականություն
27.05.2022 | 18:13
Ադրբեջանի նախագահ Իլհամ Ալիևը հայտարարել է, թե Լեռնային Ղարաբաղի կարգավիճակի հարց չի կարող քննարկվել, գրում են ադրբեջանական լրատվամիջոցները։
«Այսօր քննարկվում է Հայաստանի և Ադրբեջանի սահմանի դելիմիտացիայի հարցը։ Այդ դեպքում Լեռնային Ղարաբաղի ի՞նչ կարգավիճակի մասին է խոսքը»,- ասել է Ալիևը Կովսականում այցի ժամանակ։
Նա նշել է, թե «խաղաղության պայմանագիրը ենթադրում է տարածքային ամբողջականության փոխադարձ ճանաչում։
Ըստ Ալիևի՝ այսօր Ադրեջանի կարծիքը« որոշիչ է հետկոնֆլիկտային օրակարգի ձևավորման հարցում»։
«Հայաստանը ուզի, թե չուզի, ամբողջ աշխարհն է ընդունում, որ մենք լուծել ենք Լեռնային Ղարաբաղի հակամարտությունը։ Ադրբեջանում չկա Լեռնային Ղարաբաղ վարչական միավոր և բոլոր միջազգային կազմակերպությունները պետք է այդ արտահայտությունը բացառեն իրենց բառապաշարից»,- ասել է նա։
Էմմա Չոբանյան
