06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Արտահերթ ընտրություններն ազատ և արդար էին, բայց հետընտրական պրոցեսում հետընթաց ունեցանք․ Սաքունց. ՏԵՍԱՆՅՈՒԹ
Քաղաքականություն
27.05.2022 | 12:27
Մեկնարկել է ԵՄ-ի ֆինանսավորմամբ իրականացվող «Արտահերթ ընտրություններ 2021. տեղական դիտորդություն և քաղաքացիական հասարակության կողմից քաղաքացիների իրավազորում» ծրագրի ամփոփիչ միջոցառումը։
Հայաստանում Եվրոպական միության պատվիրակության, «ՕքսԵՋեն» հիմնադրամի, ՀՀ ԿԸՀ ներկայացուցիրչները, ծրագիրն իրականացնող գործընկերները և շահառուները (հաշմանդամություն ունեցող անձինք, առաջին անգամ քվեարկող երիտասարդներ) ներկայացնում են ծրագրի արդյունքները:
ՀՔԱՎ գրասենյակի ղեկավար Արթուր Սաքունցը կարծիք հայտնեց, որ արտահերթ ընտրություններն ազատ և արդար էին. «2018թ. թավշյա հեղափոխությունից հետո ունեցանք երկու արտահերթ ընտրություններ, և կարող ենք ասել, որ Հայաստանը հաղթահարեց ժողովրդավարութան փորձությունը՝ այն իմաստով, որ խնդիրները լուծվեցին քաղաքական ճանապարհով, մարդիկ հնարավորություն ունեցան իրենց դիրքրոշումն արտահայտել ազատ և արդար ընրությունների արդյունքում:
Անա՞մպ էին արդյոք ընտրությունները, իհարկե՝ ոչ: Քաղաքական բևեռվածությունը, թե՛ իշխանութան, թե՛ ընդդիմության կողմից ատելության ու մեղադրանքի, վիրավորանքի, զրպարտության խոսքը, ցավոք, ուղեկցել են ընտրություններին»:
«Սակայն հետընտրական պրոցեսում հետընթաց ունեցանք»,- ընդգծեց Սաքունցը՝ հավելելով, որ անհրաժեշտ է ՏԻՄ գործունեությունը կարգավորող օրենսդրությունը փոխել, որպեսզի սուբյեկտիվ գործոնները ազդեցություն չունենան ընտրությունների առաջին փուլում ձևավորված պատկերի վրա:
Մանրամասները՝ տեսանյութում:
