07.05.2024 | 10:33
Նավթի գները նվազել են
Վաշինգտոնը ողջունում է Հայաստան-Ադրբեջան սահմանային հանձնաժողովների առաջին համատեղ հանդիպումը
Քաղաքականություն
26.05.2022 | 11:04
Միացյալ Նահանգները ողջունում է Հայաստան-Ադրբեջան սահմանային հանձնաժողովների առաջին համատեղ հանդիպումը։ Այս մասին իր Թվիթերյան էջում հայտնել է ԱՄՆ պետքարտուղար Էնթոնի Բլինքենը։
«Միացյալ Նահանգները ողջունում է Հայաստան-Ադրբեջան երկկողմ սահմանային հանձնաժողովների առաջին համատեղ հանդիպումը։ ԱՄՆ-ն աջակցում է ԵՄ միջնորդությամբ Ադրբեջանի և Հայաստանի միջև բանակցություններն ու խրախուսում է շարունակական դրական թափը և երկկողմ երկխոսությունը՝ ի աջակցություն տարածաշրջանային խաղաղության»,- ասված է ԱՄՆ պետքարտուղարի գրառման մեջ։
Հիշեցնենք, որ մայիսի 24-ին Հայաստանի և Ադրբեջանի միջպետական սահմանին տեղի է ունեցել Հայաստանի փոխվարչապետ Մհեր Գրիգորյանի և Ադրբեջանի փոխվարչապետ Շահին Մուստաֆաեւի առաջին հանդիպումը՝ Հայաստանի ևԱդրբեջանի միջև սահմանների անվտանգության և պետական սահմանի սահմանազատման հարցերով հանձնաժողովների համատեղ աշխատանքի ձևաչափով։
Սահմանազատման հանձնաժողովների երկրորդ հանդիպումը տեղի կունենա հաջորդ շաբաթ Մոսկվայում ։
Տաթև Ֆռանգյան
