20.04.2026 | 11:18
Փաշինյանը ներկայացնում է ՔՊ նախընտրական ծրագիրը․ ՏԵՍԱՆՅՈՒԹ
Գյումրիում խուզարկել են չորս ՀՀԿ-ականների բնակարաններ
Հասարակություն
24.05.2022 | 15:20
Այսօր վաղ առավոտյան՝ ժամը 6․30-ի սահաններում, խուզարկություններ են անցկացրել Գյումրիի ՀՀԿ կառույցի չորս ներկայացուցիչների բնակարաններում։ Ոստիկանները ցույց են տվել դատարանի թույլտվությունը տվյալ անձանց բնակարաններում խուզարկություն անցկացնելու, այն առնչվել է թմրամիջոցների շրջանառության փաստով հարուցված քրգործի հետ։
Այս մասին մեզ տեղեկացրեց ՀՀԿ Գյումրի շրջանային խորհրդի նախագահի տեղակալ, ՀՀԿ խորհրդի անդամ Նարեկ Միրզոյանը։
Ըստ նրա, սա իրենց կուսակիցներին լռեցնելու միջոց է։ Նարեկ Միրզոյանի խոսքով, ոստիկանները, կասկածելի ոչինչ չհայտնաբերելով, հեռացել են, իսկ երիտասարդ կուսակցական Ռոլանդ Այվազյանի տնից առգրավել են նրա հեռախոսը։
Արմիկ Մովսիսյան
