01.11.2024 | 23:19
Հրդեհ Գյումրու տներից մեկում
Փաշինյան-Ալիև նոր համաձայնություն սահմանի շուրջ․ Երևանում մեկնարկեց բռնցքամարտի առաջնությունը․ Լուրեր
Քաղաքականություն
23.05.2022 | 13:33
- Նիկոլ Փաշինյանը և Իլհամ Ալիևը նոր պայմանավորվածություններ են ձեռքբերել հայ-ադրբեջանական սահմանի և այլ հարցերի վերաբերյալ։ Եվրոպական խորհրդի նախագահ Շառլ Միշելի մասնակցությամբ տեղի ունեցած հանդիպմանը Հայաստանի վարչապետը և Ադրբեջանի ղեկավարը պայմանավորվել են, որ առաջիկա օրերին սահմանի հարցով համատեղ հանձնաժողովների առաջին հանդիպումը տեղի կունենա միջպետական սահմանին։
- Կողմերը պայմանավորվել են նաև Հայաստանի տարածքով արևմտյան Ադրբեջանի և Նախիջևանի միջև կապ ապահովելու պայմանների, ինչպես նաև Ադրբեջանի տարածքով՝ Հայաստանի տարբեր մասերի միջև կապ ապահովելու մասին։ Միշելը խոսել է նաև Արցախի բնակչության իրավունքների և անվտանգության մասին՝ օգտագործելով ոչ թե Լեռնային Ղարաբաղ, այլ ուղղակի Ղարաբաղ անվանումը։ Քննարկվել է նաև գերիների վերադարձի հարցը, սակայն դրա շուրջ պայմանավորվածություն ձեռք չի բերվել։
- Ընդդիմության ակցիաներից մեկը եղել է երեկ՝ Երևանում բռնցքամարտի Եվրոպայի մեծահասակների առաջնության բացմանը։ Կարեն Դեմիրճյանի անվան մարզահամերգային համալիրում ընդդիմության համակիրները Արցախի դրոշներով դուրս են եկել բեմ բացման արարողության ժամանակ։
- Առողջապահության համաշխարհային 75-րդ վեհաժողովի (World Health Assembly) շրջանակներում Հայաստանի Հանրապետությունը նշանակվել է Գլխավոր կոմիտեի անդամ։
Այս ժամի լուրերը՝ տեսանյութում։
