Փաշինյանը՝ ՀՀ ժողովրդավար բրենդի մասին․ Չավուշօղլուի մեղադրանքը ՀՀ ընդդիմությանը և Սփյուռքին․ Լուրեր

• Երևանում այսօր անցկացվել է «Ժողովրդավարության հայկական ֆորում» միջոցառումը, որին մասնակցել են նաև վարչապետ Նիկոլ Փաշինյանը, Հայաստանում ԱՄՆ դեսպան Լին Թրեյսին ու Եվրամիության ներկայացուցչության ղեկավար Անդրեա Վիկտորինը։
• Փաշինյանն իր ելույթում ասել է, թե ժողովրդավարությունը ՀՀ միջազգային հիմնական բրենդն է: Նա ասել է, թե կարևոր է, որ ինչպես Հայաստանը բերել են ժողովրդավարություն, այնպես էլ բերեն խաղաղություն։ Փաշինյանը նաև պնդել է, թե ժողովրդավարական սկզբունքները օգտագործվում են ժողովրդավարությունը ոչնչացնելու համար: Նա նաև նշել է, որ Հայաստանի մեծագույն մարտահրավերներից մեկն են դատական համակարգի խնդիրները:
• ԱՄՆ դեսպան Լին Թրեյսին էլ նշել է, որ ԱՄՆ-ն լավ գործընկեր է ձեռք բերել՝ ի դեմս Հայաստանի կառավարության՝ բարեփոխումների իրականացման ճանապարհին։ դեսպանի դիտարկմամբ՝ Հայաստանն առաջընթաց ունի ժողովրդավարական գործընթացներում: Անդրադառնալով այս օրերին անցկացվող բողոքի ցույցերի միջադեպերին՝ դեսպանը նշել է, որ ուժի կիրառման վերաբերյալ քննություն պետք է լինի, բայց ցուցարարներն էլ իրենց պարտականություններն ունեն։
• Թուրքիայի ԱԳ նախարար Մևլութ Չավուշօղլուն հայտարարել է, թե Երևանը պետք է դրական պատասխանի Բաքվի խաղաղության նախաձեռնություններին։ Նա նշել է, թե Հայաստանի իշխանություններին այդ հարցում ճնշում են Սփյուռքում և Հայաստանի ներսում։ Չավուշօղլուն Երևանում ցույցերի մասնակիցներին անվանել է արմատականներ։

Այս ժամի լուրերը՝ տեսանյութում։