24.11.2024 | 11:53
Մխիթարյանն սկսել է ինքնակենսագրական գիրք գրել
Շվեդիայի և Ֆինլանդիայի անդամակցությունը ՆԱՏՕ-ին շրջադարձային կլինի եվրոպական անվտանգության համար․ Բայդեն
Քաղաքականություն
20.05.2022 | 11:42
Միացյալ Նահանգները լիովին աջակցում է Շվեդիայի և Ֆինլանդիայի՝ ՆԱՏՕ-ին միանալու պատմական որոշմանը, հայտարարել է ԱՄՆ նախագահ Ջո Բայդենը։
Այս շաբաթ երկու երկրներն էլ պաշտոնական հայտեր են ներկայացրել դաշինքին, որից հետո նոր անդամներ ընդունելու մասին որոշումը պետք է վավերացվի դաշինքում ընդգրկված երկրների խորհրդարանների կողմից։ Առայժմ դրան դեմ են արտահայտվել միայն Թուրքիան և Խորվաթիան, որոնց ղեկավարները որոշակի պայմաններ են առաջ քաշել։ Սակայն արևմտյան առաջնորդները կարծում են, որ Հելսինկիի և Ստոկհոլմի հայտը շուտով կհաստատվի։
Ֆինլանդիայի և Շվեդիայի մտադրությունը նշանակում է մեծ փոփոխություններ եվրոպական քաղաքականության մեջ՝ Ռուսաստանի սահմանների մոտ ՆԱՏՕ-ի հնարավոր ընդլայնման վերաբերյալ Կրեմլի կտրուկ դժգոհության ֆոնին, գրում է BBC-ի ռուսական ծառայությունը։
Հինգշաբթի օրը Ջո Բայդենն ասել է, որ Շվեդիայի և Ֆինլանդիայի հայտերը շրջադարձային են եվրոպական անվտանգության համար, իսկ մայրցամաքի հյուսիսում գտնվող երկրների միացումը կամրապնդի ամբողջ դաշինքի դիրքերը։
«Ես ուղիղ կասեմ. ՆԱՏՕ-ի նոր անդամների մուտքը վտանգ չի ներկայացնում ոչ մի երկրի համար: ՆԱՏՕ-ի նպատակը ագրեսիայից պաշտպանվելն է: Թող ոչ ոք թյուրըմբռնում չունենա այս հարցում այս պատմական օրը»,- ասել է ԱՄՆ նախագահը:
Տաթև Ֆռանգյան
