06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Հուլիսի 1-ից անկանխիկ գործարք անող կենսաթոշակառուները 10% հետվճար կստանան․ ՏԵՍԱՆՅՈՒԹ
Հասարակություն
19.05.2022 | 11:42
Կառավարության այսօրվա նիստում քննարկվեց «Անկանխիկ եղանակով վճարումներից կենսաթոշակառուներին հետվճար տրամադրելու պետություն-մասնավոր սոցիալական փոխգործակցության միջոցառումը հաստատելու մասին» օրենքի նախագիծը:
Աշխատանքի և սոցիալական հարցերի նախարար Նարեկ Մկրտչյանը, որը ներկայացրեց նախագիծը, նշեց, թե առաջարկվում է հուլիսի 1-ից գործընկեր բանկերի քարտապան կենսաթոշակառուներն ու նպաստառուները, ովքեր ՀՀ տարածքում գործող առևտրի կետերում կամ ծառայություն մատուցող կազմակերպությունների մոտ տեղադրված վճարային քարտերով ու վճարում ընդունող սարքերով կկատարեն գնումներ ու վճարումներ, ապա հաջորդ ամիս կստանան 10 տոկոսի չափով հետվճարՙ նախորդ ամսվա ընթացքում կատարված անկանխիկ գործարքների հանրագումարից:
«Հետվճարրի գումարը չի կարող գերազանցել 5 հազար դրամըՙ անկախ, թե ինչ գումարի շրջանակում են կատարվել գործարքները: Հետվճարը տարածվելու է նաև կոմունալների վճարումների վրա, եթե դրանք կատարվել են կենսաթոշակային քարտը թողարկած բանկի բանկոմատների միջոցով», – ներկայացրեց նախարարը:
Նրա խսքով՝ հետվճարը ձևավորվում է պետություն-բանկ սոցիալական պատասխանատվության գոծընկերության շրջանակներում, որտեղ պետությունն ու բանկը մասնակցում են 5-ական տոկոս համամասնությամբ:
Սոցապնախարարը հավելեց, որ մինչև հունիսի 1-ը սոցապնախարարությունը կհրապարակի բոլոր այն բանկերի ցանկը, որոնք միացել են այս ծրագրին: Այն քաղաքացիները, որոնց քարտերը սպասարկող բանկերը չկան ցանկում, կարող են դիմել ու փոխել քարտը:
Մանրամասները՝ տեսանյութում։
