26.08.2026 | 13:10
Ինչ խնդիրներ են արձանագրվել 2025 թ․ ամառային և ձմեռային զորակոչերի ընթացքում․ ՀՔԱՎ-ի զեկույցը
Դատախազությունը ներգրավված է․ Սրբուհի Գալյանը՝ Գագիկ Խաչատրյանի առանձնատան բռնագանձման մասին․ ՏԵՍԱՆՅՈՒԹ
Հասարակություն
19.05.2022 | 11:34
Ազգային ժողովի արտահերթ նիստում քննարկվում է«Ապօրինի ծագում ունեցող գույքի բռնագանձման մասին օրենքում փոփոխություններ և լրացումներ կատարելու մասին» օրենքի նախագիծը։
Գլխավոր դատախազի տեղակալ Սրբուհի Գալյանը ներկայացրեց առաջարկվող փոփոխությունները։
Գլխավոր դատախազի տեղակալն անդրադարձավ ֆինանսների նախկին նախարար Գագիկ Խաչատրյանի ԱՄՆ առանձնատան գործի վերաբերյալ «Քաղաքացիական պայմանագիր» խմբակցության պատգամավոր Սոնա Ղազարյանի հարցին:
«Այդ անձանց մասով քննարկումներն ԱՄՆ պետության գործընկերների հետ սկսվել են ավելի վաղ, քան մեր ստորաբաժանման կազմավորումն էր։ Այսինքն՝ դեռևս 2018-2019 թվականներից քրեական գործի շրջանակներում համապատասխան հարցումներ են ուղարկվել բազմաթիվ երկրներ, այդ թվում՝ ԱՄՆ։ Եվ ԱՄՆ գործընկերները պատրաստակամություն են հայտնել օգնելու ՀՀ-ին այս հարցում։
Ինչ վերաբերում է գույքի վերադարձմանը, ապա կարծում եմ դեռ այդ մասին վաղ է խոսել, որովհետև այդ պետությունում ևս որոշակի գործընթացներ պետք է իրականացվեն։ Իսկ վերադարձի հետ քննարկումներն այսօր տեղի են ունենում և կշարունակվեն։
Դատախազությունն ունի ներգրավվածություն այս գործում, և ԱՄՆ կողմից վարույթի նախաձեռնման հիմքում ընկած է հենց դատախազության գործողությունների ամբողջությունը»,- նշեց Գալյանը։
Մանրամասները՝ տեսանյութում։
