16.09.2026 | 19:37
Եվրոպա լիգա․ «Արարատ-Արմենիայի» մեկնարկային կազմը «Սպարտա Պրահայի» դեմ խաղում
Փաշինյանն ԱԽ նիստ է անցկացրել․ Թուրքիան արգելափակեց Ֆինլանդիայի, Շվեդիայի հայտերը ՆԱՏՕ-ին․ Լուրեր. ՏԵՍԱՆՅՈՒԹ
18.05.2022 | 18:59
Վարչապետ Նիկոլ Փաշինյանի գլխավորությամբ տեղի է ունեցել Անվտանգության խորհրդի նիստ: Քննարկվել են ԱԽ իրավասությունների տիրույթին վերաբերող ընթացիկ հարցեր: Նիստին մասնակցել են նաև նախագահ Վահագն Խաչատուրյանը, Ազգային ժողովի նախագահ Ալեն Սիմոնյանը, վարչապետի աշխատակազմի ղեկավար Արայիկ Հարությունյանը և Պաշտպանության նախարարի տեղակալ Կարեն Բրուտյանը:
Այսօր ժամը 15։04-ին Ճգնաժամային կառավարման ազգային կենտրոն տեղեկություն է ստացվել, որ «Զվարթնոց» օդանավակայանն ականապատված է։ Օդանավակայան են ժամանել փրկարարական և այլ խմբեր։ Սակրավորներն ու կինոլոգներն իրականացրել են տեղանքի զննում․ վտանգավոր ոչինչ չի հայտնաբերվել։
Financial Times-ը հայտնել է, որ Թուրքիան արդեն արգելափակել է Ֆինլանդիայի և Շվեդիայի` ՆԱՏՕ-ին անդամակցելու հայտերի քննարկումը։ ՆԱՏՕ-ի դեսպաններն այսօր հանդիպել են հայտն անհապաղ դիտարկելու համար քննարկումներ սկսելու նպատակով, բայց Անկարայի ներկայացուցիչներն արգելափակել են նախաձեռնությունը:
Կրեմլի մամուլի խոսնակ Դմիտրի Պեսկովը հայտարարել է, որ Ուկրաինայի հետ բանակցությունները դադարեցվել են, և իրենց կարծիքով ուկրաինական կողմն այլևս չի ցանկանում շարունակել բանակցությունները։
Այս ժամի լուրերը՝ տեսանյութում։
