16.04.2026 | 23:27
Ինչ իրավիճակ է Հայաստանի ճանապարհներին և Լարսում
ՀՀ ՊՆ-ն հերքեց Բաքվի՝ կրակոցների մասին լուրերը․ Երևանի ցույցերի հետևանքով մետրոն փակվել է․ Լուրեր
Քաղաքականություն
18.05.2022 | 14:30
- ՀՀ ՊՆ-ից հայտնել են, որ Ադրբեջանի պաշտպանության նախարարության տարածած հաղորդագրությունը, թե իբր մայիսի 17-ի լույս 18-ի գիշերը ՀՀ ԶՈւ ստորաբաժանումները տարբեր տրամաչափի հրաձգային զինատեսակներից գնդակոծել են հայ-ադրբեջանական սահմանի արևելյան ուղղությամբ տեղակայված ադրբեջանական մարտական դիրքերը` ապատեղեկատվություն է։ Իրադրությունը հայ-ադրբեջանական սահմանին հարաբերականորեն կայուն է:
- Վարչապետի պաշտոնից Նիկոլ Փաշինյանի հրաժարականը պահանջող ընդդիմությունն այսօր կրկին բողոքի, անհնազանդության ակցիաներ ու երթեր է իրականացրել առավոտյան։ Ընդդիմադիր խմբերը փակել են մայրաքաղաքի տարբեր փողոցներ, ոստիկանությունն էլ դրանք բացելու համար բերման է ենթարկել ցուցարարներին։ Կեսօրին բերման ենթարկվածների թիվը հասել է շուրջ 350-ի:
- Երևանի մետրոպոլիտենը հայտարարություն է տարածել, որ «Երիտասարդական» կայարանում քաղաքացիներն իրականացրել են անհնազանդության ակցիա՝ խափանելով մետրոպոլիտենի երթևեկությունը։ Դրանից հետո բոլոր կայարանների դռները փակվել են՝ կուտակումներ չառաջացնելու համար, բնականոն աշխատանքը խաթարված է։
Այս ժամի լուրերը՝ տեսանյութում։
