23.03.2026 | 23:28
«Դեմոկրատները սա պատերազմ են անվանում, մենք դա կոչում ենք ռազմական գործողություն»․ Թրամփը՝ Իրանի հետ հակամարտության մասին
ԵՏՄ-ի ընդհանուր բյուջեից ՀՀ-ին 10 մլրդ դրամ մաքսատուրքը չի փոխանցվել. Ռուստամ Բադասյան․ ՏԵՍԱՆՅՈՒԹ
Տնտեսություն
18.05.2022 | 13:40
ԵՏՄ-ի ընդհանուր բյուջեից ՀՀ-ին 10 մլրդ դրամ մաքսատուրքը դեռևս չի փոխանցվել: ԱԺ-ում լրագրողների հետ զրույցում իր այս հայտարարությունը վերահաստատեց ՀՀ ՊԵԿ նախագահ Ռուստամ Բադասյանը:
Նրա խոսքով՝ ԵՏՄ անդամ երկրները քննարկում են ունեցել, և ղեկավարների մակարդակով պետք է հաստատվեն այդ քննարման արդյունքները, որպեսզի մաքսատուրքը փոխանցվի ՀՀ-ին: «Մարտ ապրիլ ամիսների վերջնական թիվն այդքան էլ պարզ չէ, բայց ընդհանուր կաթսայի եկամուտները նվազել են և Հայաստանի մասնաբաժինը մոտավորապես 10 միլիարդ դրամի շրջանակներում է»,- նշեց ՊԵԿ նախագահը:
Բադասյանի խոսքով՝ ոչ թե գումար չկա, որ փոխանցվի, այլ ԵՏՄ անդամ երկրների կողմից գումարի փոխանցման մեխանիզմների շուրջ որոշակի վերաբերմունք պետք է ձևավորվի, որից հետո փոխանցումը կիրականացվի:
«Ռուս-ուկրաինական պատերազմով պայմանավորված՝ լրաուցիչ ռիսկեր և փոխարժեքի հետ կապված խնդիրներ էին առաջացել, տարբեր երկրներ տարբեր մոտեցումներ ունեին, բայց, կարծում եմ, որևէ սուր խնդիր չկա, այս ամիս այդ խնդիրը կկարգավորվի և գումարները պատշաճ կարգով կփոխանցվեն»,- ասաց ՊԵԿ նախագահը:
Մանրամասները՝ տեսանյութում։
