23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Ֆինլանդիան և Շվեդիան պաշտոնապես դիմել են ՆԱՏՕ-ին անդամակցելու համար
Քաղաքականություն
18.05.2022 | 11:13
ՆԱՏՕ-ում Ֆինլանդիայի ու Շվեդիայի ռազմական կցորդները դաշինքի գլխավոր քարտուղար Յենս Ստոլտենբերգին են հանձնել ՆԱՏՕ-ին անդամակացության իրենց երկրների պաշտոնական դիմումը։ Հանձնման արարողությունն ուղիղ միացմամբ հեռարձակել է դաշինքի մամուլի ծառայությունը։
ՆԱՏՕ-ն ողջունել է դաշինքին միանալու Շվեդիայի և Ֆինլանդիայի դիմումները, հայտարարել է Ստոլտենբերգը Ֆինլանդիայի և Շվեդիայի դեսպաններ Կլաուս Կորհոնենի ու Աքսել Վերնհոֆֆի հետ հանդիպման ժամանակ՝ ընդգծելով, որ մտադիր են հնարավորինս արագ լուծել դրա համար անհրաժեշտ բոլոր հարցերը։
«Ես ջերմորեն ողջունում եմ Շվեդիայի և Ֆինլանդիայի՝ ՆԱՏՕ-ին միանալու դիմումը: Այսօրվա ձեր ներկայացրած հայտերը պատմական քայլ են: Դաշինքը այժմ կքննարկի դեպի ՆԱՏՕ տանող ճանապարհին հաջորդող քայլերը:
Պետք է հաշվի առնել բոլոր երկրների անվտանգության շահերը, և մենք վճռական ենք լուծել բոլոր խնդիրները և հասնել գործընթացի արագ ավարտին»,-ասել է Ստոլտենբերգը։
Տաթև Ֆռանգյան
