16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Քոչարյանը լավ գիտի՝ թատերական այս ներկայացումը իշխանափոխության չի բերի, ինքը չի մասնակցում․ Դավիթ Ստեփանյան․ ՏԵՍԱՆՅՈՒԹ
Քաղաքականություն
17.05.2022 | 20:47
Ընդդիմադիր ուժերը փողոցներում բողոքի ակցիաների ժամանակ օգտագործում են «Արցախը փրկելու», «Հայաստանի թրքացում» թույլ չտալու մասին լոզունգներ։ Բայց չնայած այդպիսի «լրջագույն» լոզունգներին, հարյուրհազարավոր մարդիկ չեն աջակցում ընդդիմադիր շարժմանը։
Factor TV-ի հարցազրույցում Միջազգային և անվտանգության հարցերի հայկական ինստիտուտի ասոցացված փորձագետ Դավիթ Ստեփանյանը բացատրում է պատճառը․ «Մարդիկ չեն ուզում դուրս գալ փողոց այդ լոզունքների ներքո, որովհետև լավ հասկանում են՝ դրա տակ դատարկություն է, լավագույն դեպքում, իշխանափոխության, իշխանության տենդ է, վատագույն դեպքում՝ գողոնը թաքցնելու, գողոնը պահելու ցանկություն»։
Փորձագետը նաև գիտի փողոց դուրս գալուն խանգարող թիվ մեկ գործոնի անունը՝ «քաղաքական ապատիա»։ Ըստ Ստեփանյանի՝ Սերժ Սարգսյանի թեթև ձեռքով և նրա կառավարման օրոք է ձևավորվել քաղաքացիների մոտ այդ անտարբերությունը քաղաքական պրոցեսների նկատմամբ, և ինչը, ըստ նրա, ավելի է ուժեղացել հեղափոխությունից հետո։
«Մարդիկ դուրս եկան փողոց, մտածեցին, որ որոշում են իրենց ճակատագիրը, հեղափոխության փոխարեն իշխանափոխություն տեղի ունեցավ։ Սա է մինչև 2018-ի գարուն եղած ապատիայի ուժեղացման թիվ մեկ պատճառը։ Ընդդիմությունը ժառանգել է այդ ապատիան, պրոցես, որը սկսել է Սերժ Սարգսյանը՝ քաղաքական դաշտի ամայացումը, ոչնչացումը, յուրայինների և թշնամիների, հաճախորդների և բանտարկյալների բաժանումը, քվոտաներով ձևավորվող խորհրդարանը։ Ցավոք, հասարակական ապատիային վերջին հարվածը հասցրեց հենց Նիկոլ Փաշինյանը»,- ասում է փորձագետը։
Եվ չնայած դրան, ըստ Դավիթ Ստեփանյանի, մարդիկ հասկանում են, որ փողոցի ընդդիմության՝ իշխանության գալու դեպքում ՀՀ-ն ավելի հետ է գնալու․ «Որևէ լավ սպասելիքներ այդ մարդկանցից մեր հասարակությունը չունի»։
Հարցազրույցն ամբողջությամբ՝ տեսանյութում։
Ռոբերտ Անանյան
