07.10.2026 | 23:48
Արթուր Դանիելյանը կալանավորվեց
ՀԱՊԿ-ը հետևողականորեն ապահովելու է իր անդամ երկրների անվտանգությունը, ինքնիշխանությունը և տարածքային ամբողջականությունը․ համատեղ հայտարարություն
Քաղաքականություն
16.05.2022 | 17:51
Հավաքական անվտանգության պայմանագրի կազմակերպության (ՀԱՊԿ) երկրների ղեկավարները մտահոգություն են հայտնել Աֆղանստանում և ՀԱՊԿ անդամ երկրների այլ արտաքին սահմաններում տիրող իրավիճակի կապակցությամբ և նշել, որ պատրաստ են ապահովել կազմակերպության պատասխանատվության գոտու սահմանների անվտանգությունը։ Այս մասին ասված է ՀԱՊԿ Հավաքական անվտանգության խորհրդի անդամների համատեղ հայտարարության մեջ։
«Իրավիճակն Աֆղանստանում և ՀԱՊԿ անդամ երկրների այլ արտաքին սահմաններում մտահոգություն է առաջացնում: Այդ կապակցությամբ մենք մեր պատրաստակամությունն ենք հայտնում ապահովել Հավաքական անվտանգության պայմանագրի կազմակերպության պատասխանատվության գոտու սահմանների անվտանգությունը»,- ասվում է փաստաթղթում։
«Հավաքական անվտանգության պայմանագրի 30-ամյակի և ՀԱՊԿ-ի 20-ամյակի կապակցությամբ այս հայտարարությունը տարածելով՝ մենք հաստատում ենք, որ կազմակերպությունը հետևողականորեն ապահովելու է իր անդամ երկրների անվտանգությունը, ինքնիշխանությունը և տարածքային ամբողջականությունը, աշխատելու է գլոբալ և տարածաշրջանային անվտանգության ամրապնդման, միջազգային խնդիրների արդարացի լուծման ուղղությամբ՝ միջազգային իրավունքի համընդհանուր ճանաչված նորմերի ու սկզբունքների հիման վրա»,- ասվում է Կրեմլի պաշտոնական կայքում հրապարակված փաստաթղթում։
Տաթև Ֆռանգյան
