26.06.2026 | 04:58
ԱԱ-2026. Նիդերլանդներն ու Ճապոնիան դուրս եկան փլեյ-օֆֆ. ՏԵՍԱՆՅՈՒԹ
Վիզաների ազատականացման հեռանկարները կքննարկվեն ԵՄ-Հայաստան Գործընկերության խորհրդի նիստին
Քաղաքականություն
16.05.2022 | 17:29
Բրյուսելում տեղի կունենա ԵՄ- Հայաստան Գործընկերության խորհրդի չորրորդ հանդիպումը, որի ընթացքում կքննարկվեն երկկողմ հարաբերությունները և քաղաքական հարցերը, այդ թվում՝ վիզաների ազատականացման երկխոսության մեկնարկի հեռանկարները: Նիստը տեղի կունենա մայիսի 18-ին։
ԵՄ խորհրդի կայքէջում հրապարակված հաղորդագրությունում նշվում է, որ ԵՄ անդամ երկրները և Հայաստանը մտքեր կփոխանակեն ԵՄ-Հայաստան Համապարփակ և ընդլայնված գործընկերության համաձայնագրի և տնտեսական և ներդրումային ծրագրի իրականացման վիճակի շուրջ։
«Նաև կքննարկվեն քաղաքական երկխոսությունը և բարեփոխումները, ժողովրդավարությունը, օրենքի գերակայությունը և մարդու իրավունքները, տնտեսական, առևտրային և ոլորտային համագործակցությունը, ինչպես նաև վիզաների ազատականացման երկխոսության մեկնարկի հեռանկարները»,- ասվում է հայտաարության մեջ:
Նշվում է, որ մասնակիցները կարծիքներ կփոխանակեն տարածաշրջանային (Ռուսաստան, Ուկրաինա, Թուրքիա, Իրան) և Լեռնային Ղարաբաղի հարցերի շուրջ։
Տաթև Ֆռանգյան
