07.10.2026 | 22:05
Վրաստանի կրթության, գիտության և երիտասարդության նախարարի հետ քննարկվել են համագործակցության հեռանկարները
Ուկրաինան՝ «Եվրատեսիլ 2022» երգի միջազգային մրցույթի հաղթող
Մշակույթ
15.05.2022 | 03:03
Իտալիայի Թուրին քաղաքի «Պալաoլիմպիկո» մարզահամերգային համալիրում անցկացված «Եվրատեսիլ 2022» երգի միջազգային մրցույթի եզրափակչում հաղթեց Ուկրաինան ներկայացնող Kalush Orchestra խումբը։
Մեր պատվիրակ Ռոզա Լինը զբաղեցրեց 20-րդ հորիզոնականը։ Նա ելույթ ունեցավ իր իսկ հեղինակային «Սնափ» երգով՝ 8-րդ համարի ներքո։ Ժյուրիի կողմից Ռոզա Լինը ստացավ 40, իսկ հեռուստադիտողի կողմից՝ 21 միավոր:
Նշենք՝ հաղթող ճանաչվելու համար պայքարում էին 25 երկրների ներկայացուցիչներ։
Քվեարկելու հնարավորություն ունեին մասնակից բոլոր 40 երկրները, այդ թվում՝ եզրափակիչ չանցած: Հայաստանից Ռոզա Լինի օգտին քվեարկել հնարավոր չէր, սփյուռքից քվեարկելու համար հարկավոր էր «Եվրատեսիլին» հետևել տվյալ երկրի Հանրային հեռուստաընկերությամբ և 08 թիվն ուղարկել այդ երկրում առանձնացված հատուկ կարճ հեռախոսահամարին։
Հեռուստադիտողների քվեարկությանը գումարվեցին պրոֆեսիոնալ ժյուրիի քվեարկության արդյունքները` 50/50 հարաբերակցությամբ:
Արփի Հակոբյան
