28.06.2026 | 20:00
«Կյանքս կտամ», քարսիթ՝ ոչ. ինչու են ճանապարհին երեխաներ մահանում․ ՏԵՍԱՆՅՈւԹ
Վրաստանի վարչապետը քաղաքացիներին երաշխավորել է խաղաղություն Ռուսաստանի հետ
Քաղաքականություն
13.05.2022 | 21:53
Վրաստանի վարչապետ Իրակլի Ղարիբաշվիլին լրագրողների հետ զրույցում հետ հայտարարել է, որ երկրում չի լինի երկրորդ ճակատ, չեն լինի նաև արտահերթ ընտրություններ, և նախկին նախագահ Միխեիլ Սահակաշվիլին բուժման համար չի տեղափոխվի արտասահման, հայտնում է «Նովոստի Գրուզիան»։
«Մենք հասել ենք արդյունքի: Մենք երաշխավորում ենք բնակչությանը երկարաժամկետ խաղաղություն. երկրում երկրորդ ճակատ, պատերազմ չի լինելու։ Ընդհակառակը, կլինի զարգացում, շինարարություն և խաղաղություն»,- ասել է Ղարիբաշվիլին։
Միաժամանակ, նա նշել է, որ երկրում առկա երկարաժամկետ խաղաղությունն ու կայունությունը «Վրացական երազանքի» հիմնադիր Բիձինա Իվանիշվիլիի վաստակն է, և իշխող կուսակցությունը շարունակում է այդ քաղաքականությունը։
«Բոլորի համար կարևոր է, որ երկրում լինի խաղաղություն և կայունություն։ Սա հիմքերի հիմքն է: Առանց սրա երկրում ոչինչ չի լինի։ Մեր երկիրը, մեր ժողովուրդն արդեն երեք անգամ կռվել է Ռուսաստանի դեմ՝ սկսած 90-ականներից, հետո՝ քաղաքացիական պատերազմ, մենք հազարավոր դժվարություններ ենք ապրել։ Հետո ավերիչ հետևանքներ բերած օգոստոսյան պատերազմը և մեր տարածքների օկուպացումը, որը շարունակվում է մինչ օրս։ Եթե սա լավ չվերլուծենք ու շարունակենք անպատասխանատու հռետորաբանությունն ու անպատասխանատու գործունեությունը, այդ թվում՝ ներքին թշնամիների կործանարար գործունեությունը, շատ վատ կլինի։ Սակայն, իհարկե, մեր կառավարությունը դա թույլ չի տա»,- ասել է վարչապետը։
Նա նաև բացառել է Վրաստանում արտահերթ խորհրդարանական ընտրությունների հնարավորությունը։
«Ինձ այլևս չեն հետաքրքրում ընդդիմության հարցերը կամ ընտրությունների վերաբերյալ անհեթեթ հայտարարությունները։ Բոլոր ընտրություններն ավարտվել են, մենք հաղթել ենք։ Հաջորդ ընտրությունները տեղի կունենան 2024 թվականին»,- ընդգծել է Ղարիբաշվիլին։
Մեկնաբանելով ընդդիմության վերջին հայտարարությունները՝ նա ոչ ադեկվատ է անվանել Սաակաշվիլիին արտասահման բուժման համար տեղափոխելու պահանջները։
Տաթև Ֆռանգյան
