28.02.2026 | 22:10
Լամին Յամալն առաջին հեթ-տրիկն է գրանցել կարիերայում․ ՏԵՍԱՆՅՈՒԹ
Պետդեպը՝ ԼՂ խնդրի լուծման և Մոսկվայի շահի մասին․ Թալինում նոր ընտրություններ կլինեն․ Լուրեր
Քաղաքականություն
13.05.2022 | 16:36
- ԱՄՆ Պետքարտուղարության ներկայացուցիչ Նեդ Փրայսը հայտարարել է, որ ԱՄՆ-ը պատրաստ է օգնել ԼՂ հակամարտության կողմերին՝ գտնել երկարաժամկետ, համապարփակ խաղաղություն՝ ներգրավվելով երկկողմ, ինչպես նաև համախոհ գործընկերների հետ հակամարտության կարգավորման գործընթացին, այդ թվում՝ ԵԱՀԿ Մինսկի խմբի համանախագահի կարգավիճակով: Փրայսն ասել է, որ երկարաժամկետ և համապարփակ խաղաղությունը Հարավային Կովկասում բխում է նաև Ռուսաստանի շահերից։
- Արցախի նախագահ Արայիկ Հարությունյանը հայտնել է, որ պատերազմի հետևանքով շուրջ 40 հազար տեղահանված կա։ Հարությունյանը տեղեկացրել է, որ նոր ծրագիր կմշակվի շահառու հանդիսացող (բնակարանային կարիք ունեցող) յուրաքանչյուր տեղահանված անձի ամսական 40,000 ՀՀ դրամ ֆինանսական աջակցություն տրամադրելու վերաբերյալ՝ մինչև նրանց բնակարանային կարիքի բավարարումը։ Գումարը կարող է օգտագործվել թե՛ բնակվարձի, թե՛ սոցիալական այլ նպատակներով:
Կառավարությունը որոշում է կայացրել վաղաժամկետ դադարեցնել Արագածոտնի մարզի Թալին համայնքի ավագանու լիազորությունները: Թալին համայնքում կնշանակվի ավագանու արտահերթ ընտրություն: - Վարչապետ Նիկոլ Փաշինյանի որոշմամբ Արկադի Փելեշյանը նշանակվել է Լոռու մարզի Վանաձոր համայնքի ղեկավարի պաշտոնակատար։
Այս ժամի լուրերը՝ տեսանյութում։
