16.07.2026 | 10:14
Արման Ծառուկյանը չի բացառել մասնակցությունն Օլիմպիական խաղերին
Երկարաժամկետ և համապարփակ խաղաղությունը Հարավային Կովկասում բխում է նաև Ռուսաստանի շահերից․ Փրայս
Քաղաքականություն
13.05.2022 | 13:11
ԱՄՆ Պետքարտուղարության ներկայացուցիչ Նեդ Փրայսը հայտարարել է, որ երկարաժամկետ և համապարփակ խաղաղությունը Հարավային Կովկասում բխում է նաև Ռուսաստանի շահերից, ասված է Պետքարտուղարության տարածած հայտարարության մեջ։
«Այն, ինչ մենք ձգտում ենք այստեղ ստեղծել, երկարաժամկետ, համապարփակ խաղաղությունն է, որը բխում է մեր շահերից: Այն բխում է նաև Մոսկվայի շահերից. Մոսկվան, իհարկե, նույնպես ԵԱՀԿ Մինսկի խմբի մաս է կազմում»,- հայտարարել է Փրայսը։
Նա նաև շեշտել է, որ ԱՄՆ-ը պատրաստ է օգնել ԼՂ հակամարտության կողմերին՝ գտնել երկարաժամկետ, համապարփակ խաղաղություն՝ ներգրավվելով երկկողմ, ինչպես նաև համախոհ գործընկերների հետ հակամարտության կարգավորման գործընթացին, այդ թվում՝ ԵԱՀԿ Մինսկի խմբի համանախագահի կարգավիճակով:
Տաթև Ֆռանգյան
