15.05.2026 | 09:32
Նավթի գներն աճել են
Դեսպան Լիլիթ Մակունցը հանդիպում է ունեցել կոնգրեսական Թեդ Դոյչի հետ
Քաղաքականություն
12.05.2022 | 10:22
Մայիսի 10-ին ԱՄՆ-ում ՀՀ դեսպան Լիլիթ Մակունցը հանիպում է ունեցել ԱՄՆ Ներկայացուցիչների պալատի արտաքին հարաբերությունների հանձնաժողովի անդամ, կոնգրեսական Թեդ Դոյչի հետ. տեղեկացնում են ԱՄՆ-ում ՀՀ դեսպանությունից։
«Դեսպան Մակունցը բարձր է գնահատել Կոնգրեսում հայանպաստ հարցերի առնչությամբ կոնգրեսական Դոյչի ցուցաբերած աջակցությունը։
Հանդիպման ընթացքում դեսպան Լիլիթ Մակունցը ներկայացրել է Հայաստանի և Լեռնային Ղարաբաղի շուրջ 44-օրյա պատերազմից հետո ստեղծված անվտանգային միջավայրը և մարտահրավերները։
Դեսպան Մակունցը ներկայացրել է Հայաստանի դիրքորոշումը տարածաշրջանում խաղաղության օրակարգի վերաբերյալ, ինչպես նաև անդրադարձ կատարել Հայաստանի և Թուրքիայի միջև հարաբերությունների կարգավորմանն ուղղված վերջին զարգացումներին»,- ասված է հաղորդագրությունում։
