05.08.2026 | 18:17
Եկատերինբուրգում մեքենայի պայթյունից ԱԹՍ-ներ մշակող է վիրավորվել
Ավտոերթի մասնակից 15 ցուցարար բերման է ենթարկվել, 2 մեքենա՝ տարվել տուգանային հրապարակ
Հասարակություն
11.05.2022 | 17:36
Ընդդիմության անհնազանդության ակցիաներն այսօր մեկնարկել են ավտոերթով. վարչապետի հրաժարականը պահանջող ցուցարարները քաղաքի տարբեր հատվածներից փորձել են երթը շարունակել դեպի Հանրապետության Հրապարակ, սակայն ոստիկանները թույլ չեն տվել։ Ժամը 16:30-ի դրությամբ բերման է ենթարկվել 15 ցուցարար, 2 մեքենա տեղափոխվել է տուգանային հրապարակ։ Այս մասին Factor.am-ի հետ զրույցում տեղեկացրեց ոստիկանության Հասարակայնության հետ կապի և լրատվության վարչության պետի տեղակալ Էդգար Ջանոյանը։
Քաղաքացիները բերման են ենթարկվել ՀՀ Վարչական իրավախախտումների վերաբերյալ օրենսգրքի 182-րդ հոդվածի հիմքով (ոստիկանության ծառայողների օրինական պահանջը չկատարելը):
Հիշեցնենք՝ նախօրեին ԱԺ փոխխոսնակ, «Հայաստան» խմբակցության պատգամավոր Իշխան Սաղաթելյանը հայտարարեց. «Պետք է ամբողջ քաղաքը լցնենք Արցախի դրոշներով, եռագույններով։ Զուգահեռաբար կշարունակվեն անհնազանդության ակցիաները։ Դրանից հետո ժամը 16:00-ին հավաքվում ենք այս հրապարակում՝ մի կարևորր հարցի գործով»։
Ֆրանսիայի հրապարակում տեղի ունեցած կարճատև հանրահավաքից հետո ընդդիմությունն այս պահին քայլերթ է իրականացնում։
Ռոզա Վարդանյան
