20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Գեղամ Մանուկյանը` որդու մասնակցությամբ միջադեպի և ձերբակալության մասին․ ՏԵՍԱՆՅՈՒԹ
Քաղաքականություն
10.05.2022 | 13:18
«Քննչկական կոմիտեն կիսատ տեղեկատվություն է տարածել, իսկ միջադեպը կազմակերպված էր իշխանությունների կողմից»,- այս մասին Factor.am-ի հետ զրույցում հայտարարեց «Դիմադրություն» շարժման անդամ, ԱԺ «Հայաստան» խմբակցության պատգամավոր Գեղամ Մանուկյանը՝ անդրադառնալով որդու մասնակցությամբ միջադեպին:
Նշենք, որ մայիսի 8-ին Գյումրիում տարեցների և «Դիմադրություն» շարժման երիտասարդ անդամների միջև բախում էր տեղի ունեցել։ Հայտնի դարձավ, որ դեպքով կան ձերբակալվածներ, որոնց թվում նաև Գեղամ Մանուկյանի որդին` Տարոնը։
«ՔԿ-ն ինֆորմացիան կիսատ է տալիս։ Երեկվա տեսանյութից հետո Արծվիկ Մինասյանը ՔԿ նախագահին տեղեկացրել է, որ ծեծկռտուքին մասնակցած երիտասարդներից մի քանիսն այսօր առավոտյան կներկայանան նախաքննական մարմին և այսօր վաղ առավոտյան մեր գործընկեր Թադևոս Ավետիսյանի ուղեկցությամբ մեկնել են Գյումրի, ներկայացել նախաքննական մարմնին։ Չնայած դրան, այսօր վաղ առավոտյան դիմակավորված, անհասկանալի հանդերձանքով անձանց հետ ոստիկանները ժամանել են մի քանի բնակարան, այդ թվում` մեր։ Տեղեկացրել եմ, որ որդիս տանը չէ և ներկայանալու է նախաքննական մարմնին»,-ասաց Մանուկյանը։
Մանուկյանի խոսքով՝ այդ միջադեպը իշխանության կողմից կազմակերպված էր։
«Շիրակի մարզպետ Նազելի Բաղդասարյանը շատ լավ գիտի, թե ինչպես է դա կազմակերպել։ Դուք տեսանյութը տեսել եք կիսատ, երիտասարդների ավտոշարասյունը հարձակման է ենթարկվել, հավկիթներով են հարվածել, այն հայհոյանքները, որ տալիս էր նույն այդ պապիկը, գյումրեցին դրանց ասում է լաբարոշ»,- նշեց Մանուկյանը՝ հավելելով, որ այնքան ագրեսիվ էին այդ տարեց մարդիկ, որ ոստիկանները չէին կարողանում նրանց մայթի վրա պահել։
Մանուկյանը վստահ է, որ իշխանության «պապիկ» օպերացիան ոստիկանները շատ արագ կբացահայտեն։
Նշենք, որ մայիսի 8-ին ընդդիմության կողմից կազմակերպած ավտոերթի ընթացքում, Գյումրի քաղաքի Երևանյան խճուղում կանգնած քաղաքացիների և հիշյալ ավտոերթի մասնակիցների միջև տեղի է ունեցել վիճաբանություն: Պարզվել է, որ մի խումբ երիտասարդներ, իջնելով ավտոմեքենայից, մոտեցել են հասարակական տրանսպորտի կանգառում կանգնած տարեց տղամարդկանց և սկսել հարվածներ հասցնել նրանց:
Դեպքի առթիվ ՀՀ քրեական օրենսգրքի 258-րդ հոդվածի (խուլիգանություն) 4-րդ մասով հարուցվել է քրեական գործ:
Մանրամասները՝ տեսանյութում:
