03.03.2026 | 23:33
«Դա ձեզ համար Ուինսթոն Չերչիլը չէ». Թրամփը հայտարարել է, որ հատկապես դժգոհ է Մեծ Բրիտանիայի արձագանքից
Դեսպան Փոլադյանը ներկայացրել է հայ-օմանյան հարաբերությունների զարգացման ներկա փուլը՝ առաջարկելով ստորագրել մոտ մեկ տասնյակ փաստաթուղթ, որոնք բանակցվել են, սակայն չեն կնքվել
Քաղաքականություն
09.05.2022 | 11:19
Մայիսի 8-ին Օմանում ՀՀ դեսպան Հրաչյա Փոլադյանը հավատարմագրերի պատճենն է հանձնել Օմանի Սուլթանության արտաքին գործերի նախարար Բադր Ալբուսաիդիին. տեղեկացնում են Եգիպտոսում ՀՀ դեսպանությունից:
Շնորհավորելով դեսպանին նշանակման կապակցությամբ՝ նախարար Ալբուսաիդին նշել է, որ Օմանը շահագրգռված է Հայաստանի հետ հարաբերությունների զարգացմամբ։ Նախարարը կարևորել է Հայաստանի դերակատարությունը Հարավային Կովկասում։
Առանձնազրույցի ընթացքում դեսպան Հր. Փոլադյանը ներկայացրել է հայ-օմանյան հարաբերությունների զարգացման ներկա փուլը՝ առաջարկելով մոտ ապագայում ստորագրել մոտ մեկ տասնյակ փաստաթուղթ, որոնք վերջին ժամանակաշրջանում բանակցվել են, սակայն չեն կնքվել։
Զրույցի ավարտին կողմերն ընդգծել են երկկողմ համագործակցության ընդլայնման և խորացման անհրաժեշտությունը։
Նույն օրը դեսպան Հրաչյա Փոլադյանը հանդիպել է Օմանում հայ համայնքի ներկայացուցիչների հետ։
