ՀՀ մշտական բնակչության թիվը նվազել է․ Վիճակագրական կոմիտեն տվյալներ է հրապարակել․ ՏԵՍԱՆՅՈւԹ

Այս տարվա հունվարի 1-ի դրությամբ Հայաստանի մշտական բնակչության թիվը 2 մլն 961 հազար 400 է։ Այս մասին տեղեկացնում է Վիճակագրական կոմիտեն։

Քաղաքային բնակչությունը կազմում է 1 մլն 892 հազար 200 մարդ, գյուղականը՝ 1 մլն 69 հազար 200։

Մարզերից ամենամեծ բնակչությունն ունի Արմավիրի մարզը՝ 264 400 մարդ, որին հաջորդում են Արարատի մարզը (256 600 մարդ), Կոտայքի մարզը (251 100 մարդ), Շիրակի մարզը (230 400 մարդ) և Գեղարքունիքի մարզը (227 800 մարդ):

Նշենք, որ ըստ կոմիտեի նախորդ տարվա հրապարակման՝ 2021 թվականի հունվարի 1-ի դրությամբ՝ ՀՀ մշտական բնակչության թիվը եղել է 2 մլն 963 հազար 300 մարդ։ Այսպիսով՝ 1 տարում ՀՀ մշտական բնակչության թիվը նվազել է շուրջ 1900-ով։

Հետաքրքրական է, որ նախորդ տարվա համեմատ՝ քաղաքային բնակչությունը նվազել է, իսկ գյուղական համայնքներինը՝ ավելացել։ Այսպես․ 2022 թվականի տվյալներով՝ Քաղաքային բնակչությունը կազմում է 1 մլն 892 հազար 200 մարդ՝ նախորդ տարվա 1 մլն 895 հազար 600-ի փոխարեն։ Նվազումը կազմում է 3400 մարդ։ Գյուղական համայքնների մշտական բնակչության թիվն այս տարի 1 մլն 69 հազար 200 է՝ նախորդ տարվա 1 մլն 67 հազար 700-ի փոխարեն։ Ստացվում է՝ գյուղական համայնքներում բնակվողների թիվն ավելացել է 1500-ով։

Այնուամենայնիվ, աճել է մայրաքաղաքում բնակվողների թիվը․ 2022 թվականի հունվարի 1-ի դրությամբ Երևանի մշտական բնակիչների թիվը 1 մլն 92 հազար 800 է՝ նախորդ տարվա 1 մլն 91 հազար 700-ի փոխարեն։ Այսպիսով՝ Երևանում մշտական բնակչությունը 1 տարում ավելացվել է 100-ով։

Մանրամասները՝ տեսանյութում։

Անժելա Պողոսյան