06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Եթե մենք տեսնենք, որ մեր հայրենակիցների անվտանգությունը միանշանակ ապահովելու են, մենք համաձայնություն կտանք դրան․Արմեն Գրիգորյանը՝ Արցախն Ադրբեջանի կազմում լինելու հավանականության մասին հարցին ի պատասխան. ՏԵՍԱՆՅՈՒԹ
Քաղաքականություն
05.05.2022 | 13:52
Ադրբեջանի հետ խաղաղության պայմանագիր կնքելը նշանակում է, որ պետք է նաև ԼՂ հիմնախնդրի լուծում գտնվի։ Կառավարության նիստից հետո լրագրողների հետ զրույցում այս տեսակետը հայտնեց Անվտանգության խորհրդի քարտուղար Արմեն Գրիգորյանը` անդրադառնալով Արցախի կարգավիճակի հարցին։ Լրագրողի և պաշտոնյայի հարցուպատասխանը ներկայացնում ենք ստորև՝ ամբողջությամբ։
Լրագրող – Եթե Հայաստանը կնքում է Ադրբեջանի հետ խաղաղության պայմանագիր, դա նշանակո՞ւմ է ռուս խաղաղապահներին Արցախից դուրս բերում և Արցախի մնացած մասն Ադրբեջանի կազմում ճանաչում։
Արմեն Գրիգորյան – Դուք ինչի՞ց եք ենթադրել, որ նման բան է նշանակում։
Լրագրող – Հարցազրույցի ընթացքում նման պնդումներ են արվում։
Արմեն Գրիգորյան – Ո՞ւմ կողմից է հնչում։
Լրագրող – Քաղաքագետներն են։
Արմեն Գրիգորյան – Դժվար է ասել, թե ինչ ի նկատի ունեն քաղաքագետները, երբ որ նման պնդում են կատարում։ Բայց Խաղաղության պայմանագիր կնքելու դեպքում մենք պետք է նաև ԼՂ հիմնախնդրի լուծում գտնենք։ Հիմնախնդրի լուծումը տեսնում ենք ԼՂ-ում ապրող մեր հայրենակիցների անվտանգության, իրավունքների ապահովումը, ըստ դրա էլ պետք է կարգավիճակը որոշվի և նաև անվտանգությունն ապահովելու երաշխիքներ են պետք։ Այս պահին մենք չգիտենք՝ ինչպիսի երաշխիքներ են լինելու՝ ինստիտուցիոնալ տեսանկյունից։ Կքննարկենք, բանակցությունների արդյունքում եթե ինչ-որ որոշման գանք, ապա, եթե մենք տեսնենք, որ մեր հայրենակիցների անվտանգությունը միանշանակ ապահովելու են, մենք համաձայնություն կտանք դրան։
Մանրամասները՝ տեսանյութում:
