20.04.2026 | 13:10
Իսրայելի ԱԳ նախարարը Լիբանանում իսրայելցի զինվորի կողմից Քրիստոսի արձանի վնասումն «ամոթալի» է անվանել
Դատախազական ներգործության անհրաժեշտ միջոցները կիրառվում են Հոկտեմբեր 27-ի գործը բացահայտելու համար․ Արթուր Դավթյան
Քաղաքականություն
04.05.2022 | 10:50
ԱԺ «Քաղաքացիական պայմանագիր» խմբակցության պատգամավոր Վիգեն Խաչատրյանն այսօր Ազգային ժողովում գլխավոր դատախազ Արթուր Դավթյանին հարց ուղղեց «Հոկտեմբերի 27»-ի քրեական գործի վերաբերյալ:
«Քանի բարձրաստիճան պաշտոնյաներ և օդիոզ դեմքեր կան, որոնք թաքնվում են հետապնդումից»,- հետաքրքրվեց Խաչատրյանը:
«Իմ որոշմամբ վերաբացվել է այդ քրեական գործով նախաքննությունը: Քրեական գործով մեծ անելիք կա՝ ինչպես քննչական գործողությունների, այնպես էլ օպերատիվ-հետախուզական միջոցառումների առումով: Վստահորեն կարող եմ ասել, որ դատախազական ներգործության բոլոր միջոցներն անհրաժեշտ պահին կիրառվել և կիրառվում են՝ այդ քերական գործով մեղավոր անձանց պատասխանատվության հարցը լուծելու համար»,- ասաց Դավթյանը՝ հավելելով, որ այդ քրեական գործով մեծ անելիք կա:
Ինչ վերաբերում է «Մարտի 1»-ի վերաբերյալ քրեական գործին՝ Դավթյանը նշեց. «Այն հանրային հետաքրքրություն ունի 2 ուղղությամբ: Մեկը դատարանում գտնվող սահմանադրական կարգը տապալելու հոդվածով մեղադրվող անձանց վերաբերյալ քրեական գործն է, մյուսը՝ նախաքննության փուլում գտնվող քրեական գործի այլ հանգամանքների, այդ թվում նաև՝ սպանությունների բացահայտումը»:
Մանրամասները՝ տեսանյութում:
