16.09.2026 | 23:05
Բաքուն ՀՀ-ի հետ կապերի մեջ մեղադրվող բանտարկված թալիշ ակտիվիստին 3 տարով կտեղափոխի խիստ ռեժիմի բանտ
Միրզոյանը հանդիպել է Բլինքենի հետ․ ընդդիմադիր ակցիայից բերման է ենթարկվել Լևոն Քոչարյանը․ Լուրեր
Քաղաքականություն
03.05.2022 | 13:45
- Մայիսի 2-ին ՀՀ ԱԳ նախարար Արարատ Միրզոյանը հանդիպում է ունեցել ԱՄՆ պետքարտուղար Էնթոնի Բլինքենի հետ։ Զրուցակիցները մտքեր են փոխանակել համապարփակ խաղաղության պայմանագրի շուրջ Հայաստանի և Ադրբեջանի միջև բանակցություններ սկսելու վերաբերյալ: Արարատ Միրզոյանն Էնթոնի Բլինքենին է ներկայացրել Ադրբեջանի կողմից Արցախում հումանիտար ճգնաժամ ստեղծելուն ուղղված գործողությունները։
- Երևանում Ֆրանսիայի հրապարակը փակած ընդդիմադիր ուժերն այսօր առավոտից երթեր են անցկացրել, որոնց ընթացքում եղել են նաև բուհերում։ Մասնավորապես ԵՊՀ տարածքում ուսանողներին միանալու կոչ անելիս նրանք մուտք են գործել նաև համալսարանական շենքերից մեկը։ Արթուր Վանեցյանի և Իշխան Սաղաթելյանի առաջնորդությամբ երթերը շարունակվել են Երևանի կենտրոնական փողոցներում։
- Մինչ այդ՝ վաղ առավոտյան, ընդդիմության ներկայացուցիչները նաև անհնազանդության ակցիաներ են իրականացրել։ Դրանց ընթացքում, ժամը 10:00 դրությամբ, բերման է ենթարկվել ակցիաների 70 մասնակից, որոնց թվում է եղել նաև երկրորդ նախագահ Ռոբերտ Քոչարյանի որդին՝ Լևոն Քոչարյանը։
Այս ժամի լուրերը՝ տեսանյութում։
