17.01.2026 | 15:38
20 տարի առաջ այս օրը Օվեչկինը խփել է NHL-ի պատմության ամենագեղեցիկ գոլերից մեկը․ ՏԵՍԱՆՅՈՒԹ
Ընդդիմության հանրահավաքին զուգահեռ սահմանին մեծ տրամաչափի զենք է կիրառել Ադրբեջանը. Ալեն Սիմոնյան. ՏԵՍԱՆՅՈՒԹ
Քաղաքականություն
03.05.2022 | 12:26
Այսօր ԱԺ նախագահ Ալեն Սիմոնյանը լրագրողների հետ զրույցում անդրադարձավ ընդդիմության սկսած պայքարին և ոստիկանության գործողություններին:
Դիտարկմանը, թե ոստիկանությունը «բոքսում է» ցուցարարներին, ԱԺ նախագահը կոչ արեց լեքսիկոնից հանել «ոստիկանությունը բոքսում է» արտահայտությունը։
«Մի կոնկրետ դեպքն ընդհանարացնելն ու հոգնակի թվով ներկայացնելը պատիվ չի բերում լրատվամիջոցին և լրագրողներին»,- նշեց Սիմոնյանը։
Ալեն Սիմոնյանը ոստիկանության գործողությունները գնահատեց համաչափ և շնորհակալություն հայտնեց, որ պահպանում են մյուս քաղաքացիների իրավունքները ու թույլ չեն տալիս «փոքր միջոցառումները» խանգարեն մյուս քաղաքացիներին։
ԱԺ նախագահն ընդգծեց, թե ընդդիմության հանրահավաքի հենց առաջին օրը սահմանին ադրբեջանական կողմից գրանցվել են մեծ տրամաչափով զենքի կիրառմամբ կրակոցներ։
«Հետևությունները թողնում եմ ձեզ, գրեթե միշտ մեր ընդդիմության գործողությունները համընկնում են կա՛մ ամենակարևոր այցերի հետ, կա՛մ համընկնում են սահմանում տեղի ունեցող իրադարձությունների հետ, ես չեմ համարում, որ դա զուգադիպություն է»,- նշեց Սիմոնյանը։
Այդուհանդերձ, ուշագրավ է, որ Ալեն Սիմոնյանի մատնանշած ժամանակահատվածում Հայաստանի ՊՆ-ն ադրբեջանական կողմից խոշոր տրամաչափի զենքով հրադադարի խախտման որևէ դեպքի մասին չի բարձրաձայնել։
Մանրամասները՝ տեսանյութում:
