17.01.2026 | 14:14
Հրդեհ Տիչինայի փողոցում
ՀՀ-ում կան բազմաթիվ «քաղաքական կուսակցություն» անունով կազմակերպություններ, որոնք ֆինանսավորվում են արտաքին աղբյուրներից․ Վիգեն Խաչատրյան. ՏԵՍԱՆՅՈՒԹ
Քաղաքականություն
03.05.2022 | 11:33
«Այն փոփոխությունները, որ կատարվել է կուսակցությունների մասին օրենքում, ունեցել է շատ կարևոր նշանակություն, որովհետև հայտնի է կուսակցությունների կարևոր դերը ժողովրդավարական համակարգերում»,- այսօր ԱԺ քառօրյա նիստում այս կարծիքն արտահայտեց ԱԺ «Քաղաքացիական պայմանագիր» խմբակցության պատգամավոր Վիգեն Խաչատրյանը և շեշտեց, որ կուսակցությունները պետք է պաշտպանված լինեն արտաքին և ներքին ճնշումներից։
«Եթե կուսակցությունը ունի արտաքին և ներքին ճնշում՝ դեստրուկտիվ դերակատարում է ստանում զարգացնել, որի ականատեսն ենք մենք հիմա մեր հասարակությունում։ Այդ այլասերված երևույթները խոչընդոտում են հասարակության, պետության նորմալ ընթացքին»,- ասաց Վիգեն Խաչատրյանը և պարզաբանեց, որ արտաքին ճնշում ասելով՝ հասկացվում է արտաքին ֆինանսավորումը։
Պատգամավորի կարծիքով՝ այս առումով Հայաստանում կան բազմաթիվ հայտնի և ոչ հայտնի քաղաքական կուսակցություն անունով կազմակերպություններ, որոնք ֆինանսավորվում են արտաքին աղբյուրներից։
«Ես կարծում եմ՝ համապատասխան օրենքը պիտի սկսի գործել և սրան պետք է լուրջ ուշադրություն դարձնել: Ներքին ճնշումն էլ մեկ անհատի կողմից ֆինանսավորվող կուսակցությունների մասին է, որը ևս բերում է դեստրուկտիվ զարգացումների»,- նշեց Խաչատրյանը՝ հավելով, որ այս երևույթներն աստիճանաար պետք է վերացնել:
Մանրամասները՝ տեսանյութում։
