15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Հայաստանի և Թուրքիայի միջև սահմանի վերասահմանագծման վերաբերյալ որևէ քննարկում կամ պայմանավորվածություն չկա. ԱԳՆ խոսնակ
Քաղաքականություն
02.05.2022 | 15:44
Ի պատասխան ԶԼՄ֊ների հարցման, տեղեկացնում ենք, որ Հայաստանի և Թուրքիայի միջև սահմանի վերասահմանագծման վերաբերյալ որևէ քննարկում կամ պայմանավորվածություն չկա. ֆեյսբուքի իր պաշտոնական էջում գրել է ՀՀ ԱԳՆ խոսնակ Վահան Հունանյանը:
«Նման հարց օրակարգում չկա»,- գրել է նա:
Հիշեցնենք, որ Թուրքիայի ԱԳ նախարար Մևլութ Չավուշօղլուն Լատինական Ամերիա կատարած շրջագայությունն ամփոփող մամուլի ասուլիսում անդրադարձել էր Հայաստանի և Թուրքիայի հատուկ ներկայացուցիչների հաջորդ հանդիպմանը։ Թուրքական լրատվամիջոցների հաղորդմամբ՝ նա ասել էր, որ տարբեր քայլեր են քննարկվելու։
«Այդ հանդիպմանը տարբեր քայլեր են քննարկվելու, որոնք կարող են առաջիկայում իրագործվել։ Համաձայնություն է եղել սահմանազատման վերաբերյալ։ Ինչպե՞ս է դա իրականացվելու, օրինակ՝ ստեղծվելո՞ւ է համատեղ հանձնաժողով։ Նրանք (Հայաստանը) որոշել են Ադրբեջանի հետ համատեղ հանձնաժողով ստեղծել»,- ասել էր Չավուշօղլուն։ Չավուշօղլուի այս խոսքերը որոշ լրատվամիջոցներ մեկնաբանել էին որպես հայ-թուրքական սահմանի ճշգրտման մասին ակնարկ։
