17.01.2026 | 15:38
20 տարի առաջ այս օրը Օվեչկինը խփել է NHL-ի պատմության ամենագեղեցիկ գոլերից մեկը․ ՏԵՍԱՆՅՈՒԹ
Չավուշօղլուն խոսել է Հայաստանի ու Թուրքիայի բանագնացների երրորդ հանդիպումից
Քաղաքականություն
02.05.2022 | 12:34
Թուրքիայի ԱԳ նախարար Մևլութ Չավուշօղլուն Լատինական Ամերիա կատարած շրջագայությունն ամփոփող մամուլի ասուլիսում անդրադարձել է նաև Հայաստանի և Թուրքիայի հատուկ ներկայացուցիչների հաջորդ հանդիպմանը։ Թուրքական լրատվամիջոցների հաղորդմամբ՝ նա ասել է, որ տարբեր քայլեր են քննարկվելու։
«Այդ հանդիպմանը տարբեր քայլեր են քննարկվելու, որոնք կարող են առաջիկայում իրագործվել։ Համաձայնություն է եղել սահմանազատման վերաբերյալ։ Ինչպե՞ս է դա իրականացվելու, օրինակ՝ ստեղծվելո՞ւ է համատեղ հանձնաժողով։ Նրանք (Հայաստանը) որոշել են Ադրբեջանի հետ համատեղ հանձնաժողով ստեղծել»,- ասել է Չավուշօղլուն։
Հավելենք, որ ՀՀ ԱԳՆ տեղեկացրել էր, որ Հայաստանի ու Թուրքիայի հատուկ բանագնացների հաջորդ հանդիպումը տեղի է ունենալու մայիսի 3-ին Վիեննայում։ Հիշեցնենք՝ հատուկ ներկայացուցիչների առաջին հանդիպումը տեղի էր ունեցել հունվարի 14-ին Մոսկվայում, երկրորդ հանդիպումը՝ փետրվարի 24-ին Վիեննայում։
Ավելի վաղ էլ ՀՀ ԱԳՆ խոսնակ Վահան Հունանյանը հայտնել էր, որ Հայաստանը Թուրքիային առաջարկել է առաջին փուլով բացել ցամաքային սահմանը դիվանագիտական անձնագրեր կրող անձանց համար, սակայն թուրքական կողմը հապաղում է:
Էմմա Չոբանյան
