15.09.2026 | 18:52
Հայաստանի հավաքականի բասկետբոլիստը կխաղա ԱՄՆ-ում
Ես վաստակել եմ գեներալի կոչումը. Օսիպյանը` Փաշինյանի տված պարգևից հրաժարվելու հավանականության մասին. ՏԵՍԱՆՅՈՒԹ
Քաղաքականություն
02.05.2022 | 11:51
«Ոստիկանների գործողությունները երեկ գնահատում էի նորմալ, բավարար, բայց այսօր բիրտ ուժ են կիրառում»,- այս մասին Factor.am-ի հետ ճեպազրույցում նշեց ՀՀ նախկին ոստիկանապետ Վալերի Օսիպյանը, ով նույնպես մասնակցում է ընդդիմության բողոքի ակցիաներին։
«Ես ծառայության ղեկավարն եմ եղել 2018-ին: Ես էլ էի վերադասից հրամաններ ստանում, բայց իրավիճակը գնահատելով՝ ֆիլտրում էի այդ հրամանները: Երբևիցե նման խաղաղ պայմաններում հավաքներ, ակցիաներ իրականացնողների, լրագրողների նկատմամբ անհամաչափ ուժ չի կիրառվել»,- նշեց ՀՀ նախկին ոստիկանապետը:
Թե ինչու է մասնակցում ընդդիմության բողոքի շարժմանը, Օսիպյանը պարզաբանեց. «Շուտվանից այս ամենի մեջ եմ, այնպես չէ, որ այսօր եմ միացել շարժմանը: Նպատակը անվտանգ երկիր, անվտանգ Արցախ ունենալն է: Այս ամենը ապագայի համար է»:
Անդրադառնալով հարցին, թե ինչու չի հրաժարվում իր պաշտոնավարման ժամանակահատվածում Նիկոլ Փաշինյանի առաջարկով ստացած գեներալի կոչումից, Օսիպյանը նշեց. «Ես վաստակել եմ գեներալի կոչումը. Դա ինձ պետությունն է շնորհել՝ նախագահի հրամանագրով: 10 տարի ես գնդապետ եմ եղել, և իմ անբասիր ծառայության արդյունքումեմ ես այդ կոչումը ստացել»:
Մանրամասները՝ տեսանյութում։
