20.08.2026 | 21:53
ԶՈՒ ԳՇ պետը ստուգայցեր է իրականացրել զորամասերում և բանակային դիրքերում. ԼՈՒՍԱՆԿԱՐՆԵՐ
ԱՄՆ-ը բանակցություններ է վարում Հայաստանի և Ադրբեջանի հետ՝ կանխելու քայլերը, որոնք կհանգեցնեն հակամարտության վերսկսմանը․ Բլինքեն
Քաղաքականություն
29.04.2022 | 12:30
Միացյալ Նահանգների վարչակազմը բանակցություններ է վարում Հայաստանի և Ադրբեջանի հետ՝ կանխելու քայլերը, որոնք կհանգեցնեն հակամարտության վերսկսմանը։ Այս մասին հայտարարել է ԱՄՆ պետքարտուղար Էնթոնի Բլինքենը, գրում է BB-CNTV-ն։
Կոնգրեսի Ներկայացուցիչների պալատի արտաքին հարաբերությունների հանձնաժողովում լսումների ժամանակ նրան խնդրել են մեկնաբանել Լեռնային Ղարաբաղի շուրջ ստեղծված իրավիճակը։
Բլինքենի խոսքով՝ ինքը բազմիցս խոսել է Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ՝ համոզվելու, որ կողմերից ոչ մեկը չի ձեռնարկի որևէ քայլ, որը կարող է հանգեցնել հակամարտության վերսկսմանը։
«Սա մի բան է, որում ես շատ ակտիվորեն ներգրավված եմ, այդ թվում՝ կապված Ուկրաինայի իրավիճակի հետ։ Ես բազմիցս խոսել եմ Հայաստանի վարչապետ Փաշինյանի և Ադրբեջանի նախագահ Ալիևի հետ՝ նախ համոզվելու համար, որ ոչ ոք չի ձեռնարկում որևէ քայլ, որը կարող է հանգեցնել հակամարտության վերսկսմանը, բայց նաև փորձել եմ նպաստել ու աջակցել երկարաժամկետ քաղաքական կարգավորմանը»,- ասել է ԱՄՆ պետաքարտուղարը՝ հավելելով, որ բանակցություններ է վարում նաև երկու երկրների արտգործնախարարների հետ։
Տաթև Ֆռանգյան
