07.10.2026 | 23:48
Արթուր Դանիելյանը կալանավորվեց
Բաքուն Երևանից ակնկալում է Ադրբեջանի տարածքային ամբողջականության ճանաչում փոխադարձության սկզբունքով
Քաղաքականություն
28.04.2022 | 18:50
Ադրբեջանի նախագահ Իլհամ Ալիևի օգնական, նախագահի աշխատակազմի արտաքին քաղաքականության հարցերով բաժնի ղեկավար Հիքմեթ Հաջիևը հայտարարել է, որ Բաքուն առաջարկում է Հարավային Կովկասի համար ինտերգրացիոն մոդել, գրում են ադրբեջանական լրատվամիջոցները։ Նման հայտարարություն Հաջիևն արել է գրավյալ Շուշիում այսօր տեղի ունեցած միջազգային համաժողովի ընթացքում։
«Ադրբեջանն առաջարկել է Հարավային Կովկասի ինտեգրված մոդել։ Ներկայում տարածաշրջանը շատ մասնատված է, ուստի մենք պետք է ավելի շատ կապեր և շփումներ հաստատենք մարդկանց միջև»,-ասել է Հաջիևը։
Նա նշել է, որ Բաքուն Երևանից սպասում է Ադրբեջանի տարածքային ամբողջականության ճանաչում ու պատրաստ է ճանաչել Հայաստանի տարածքային ամբողջականությունը։ Հաջիևը նաև ադրբեջանական հայտնի թեզն է ներկայացրել, թե Բաքուն Արցախի հայերին համարում է Ադրբեջանի քաղաքացիներ։
«Ադրբեջանի հիմնական ուղերձն է Հայաստանին՝ տարածքային ամբողջականության ու ինքնիշխանության ճանաչում։ Պատրա՞ստ է դրան Հայաստանը։ Մենք պատրաստ ենք»,-ասել է Հաջիևը։
Ալիևի օգնականը նաև կարևորել է սահմանագծումն ու սահմանազատումը։
Էմմա Չոբանյան
