14.09.2026 | 10:16
Պատգամավորներ Լիլիթ Գալստյանի, Մեսրոպ Մանուկյանի և փաստաբան Տաթևիկ Սողոյանի ասուլիսը՝ ՈՒՂԻՂ
ԼՂ կարգավիճակի թեմայի շուրջ Բաքվի և Երևանի միջև սկզբունքային տարաձայնություններ կան․ Զախարովա
Քաղաքականություն
28.04.2022 | 17:15
ԼՂ կարգավիճակի թեմայի շուրջ Բաքվի և Երևանի միջև սկզբունքային տարաձայնություններ կան։ Այս մասին ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։ Վերջինս նշել է նաև, որ աջակցելով Երևանին և Բաքվին խաղաղության համաձայնագրի նախապատրաստման հարցում՝ ռուսական կողմն առաջնորդվում է Ադրբեջանի և Հայաստանի միջև միջպետական հարաբերությունների հաստատման հիմնարար սկզբունքների վերաբերյալ առաջարկներով։
«Հիշեցնեմ, որ դրանք նախապատրաստվել էին Բաքվում և կառուցողական արձագանք ստացել Երևանից։ Մենք կարծում ենք, որ դրանք լավ հիմք են դիրքորոշումների ներդաշնակեցման համար։ Կարգավիճակի թեմայի շուրջ Բաքվի և Երևանի միջև սկզբունքային տարաձայնություններ կան։ Մենք մեր դերակատարությունը տեսնում ենք կողմերի մերձեցմանն օգնելու հարցում»,- ասել է Զախարովան։
Պատասխանելով Ադրբեջանի նախագահի կողմից ՀՀ-ի հասցեին հնչեցված սպառնալիքների վերաբերյալ հարցին՝ Զախարովան հայտարարել է, որ հայ-ադրբեջանական հարաբերությունների կարգավորման գործընթացի շրջանակներում չափազանց կարևոր է հավատարիմ մնալ եռակողմ պայմանավորվածությունների տառին և ոգուն։
Տաթև Ֆռանգյան
