20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Ասում էին՝ մինչև քոքը մաշեցնելու են, բայց մաշեց այն քոքը, որի շուրջ հավաքվել էին. Հրաչյա Հակոբյան. ՏԵՍԱՆՅՈՒԹ
Քաղաքականություն
26.04.2022 | 17:43
«Ընդդիմությունն ամեն ինչ անում է, որ այս իշխանությունների օրոք լինի ևս մեկ պատերազմ և ևս մեկ պարտություն, որ էլի շահարկեն զոհերի հարցը, խաղան զոհերի հարազատների հույզերի հետ և փորձեն գալ իշխանության, որպեսզի պահեն իրենց ունեցվածքը»,- Factor.am-ի հետ զրույցում այս մասին նշեց «Քաղաքացիական պայմանագիր» խմբակցության պատգամավոր Հրաչյա Հակոբյանը՝ անդրադառնալով հարցին, թե ինչ նպատակ է հետապնդում ընդդիմությունը փղոցային պայքարով:
Անդրադառնալով դիտարկմանը, որ բողոքի շարժումը թափ է հավաքում, պայքարին այսօր միացել են ուսանողներ, զոհված զինծառայողների ծնողներ ու հարազատներ, Հակոբյանը կարծիք հայտնեց, որ, այնուամենայնիվ իշխանափոխություն չի լինի:
«Ես չէի ասի, թե շարժումը թափ է հավաքում, որովհետև մի պարզ տրամաբանություն կա՝ իրենք 200 հազար ընտրող են ունեցել և այսօր նրանցից մոտ 10 հազարը կարող են դուրս գալ փողոց, բայց այլ քաղաքացիներ չեն միանա նրանց:
Ասում էին՝ մինչև քոքը մաշեցնելու են, բայց մաշեց այն քոքը, որի շուրջ հավաքվել էին: Հետո ասում էին՝ գնալու ենք խորհրդարան և օր ու արև չենք տալու իշխանությանը, բայց դա էլ չստացվեց: Եվ հիմա որոշել են օր ու արև չտալ ՀՀ քաղաքացիներին. հիմա դա են անում»,- նշեց իշխանական պատգամավորը:
Մանրամասները՝ տեսանյութում:
