24.03.2026 | 15:55
Սաուդյան Արաբիան և ԱՄԷ-ն աստիճանաբար ներքաշվում են Իրանի հետ պատերազմի մեջ. WSJ
Երևանում և ՀՀ մարզերում ԵՄ ֆինանսավորմամբ դրամաշնորհային նոր ծրագրեր կիրականացվեն․ ՏԵՍԱՆՅՈՒԹ
Հասարակություն
26.04.2022 | 15:02
Եվրոպական միության համաֆինանսավորմամբ այսօր տրվեց «Ձգտում ավելի լավ ապագայի․ համայնքների և քաղաքացիական հասարակության դիմակայունություն Հայաստանում» ծրագրի մեկնարկը, որը նպատակ ունի բարելավել հայաստանյան քաղհասարակության կազմակերպությունների դիմակայունությունը, հաշվետվողականությունը և նորարարության կարողությունները՝ հնարավորություն տալով նրանց առանցքային դեր ունենալ իրազեկության բարձրացման, ժողովրդավարության ամրապնդման, ինչպես նաև շահառուներին, մասնավորապես՝ խոցելի խմբերին սպասարկելու գործում։
Ծրագիրը կիրականացվի ՀՀ բոլոր մարզերում և Երևանում։
3,5 տարվա ընթացքում շուրջ 180 քաղհասարակության կազմակերպություն կընդգրկվի կարողությունների զարգացման գործողություններում, 30 նախաձեռնող խմբեր կիրականացնեն սոցիալական ինովացիոն ծրագրեր, շուրջ 600 կազմակերպություն կմասնակցի ֆորումների ու կլոր սեղանների, 600 երիտասարդներ կներգրավվեն առաջնորդության զարգացման դասընթացներում։
Ընդհանուր առմամբ, կտրամադրվի շուրջ 700․000 եվրո դրամաշնորհ՝ ուղղված տարբեր նախաձեռնությունների իրականացմանը։ Ծրագիրը շեշտադրում է երիտասարդների, կանանց, հաշմանդամություն ունեցող անձանց մատուցվող և բնապահպանական տեսանկյունից նպաստավոր ծառայությունների ընդլայնումը քաղհասարակության կազմակերպությունների գործունեության մեջ։
Մանրամասները՝ տեսանյութում։
Սաթենիկ Հայրապետյան
