06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
40 երկրների ՊՆ ղեկավարները կքննարկեն Ուկրաինային ռազմական օգնություն տրամադրելու հարցը
Քաղաքականություն
26.04.2022 | 14:53
Ուկրաինային ռազմական օգնությունը լինելու է ավելի քան 40 պետությունների պաշտպանության նախարարների հանդիպման գլխավոր թեման։ Ամերիկյան Պենտագոնի ղեկավար Լլոյդ Օսթինը հանդիպում կանցկացնի Գերմանիայի Ռամշտեյն ավիաբազայում, գրում է BBC-ի ռուսական ծառայությունը։
ԱՄՆ Զինված ուժերի միացյալ շտաբի պետ, գեներալ Մարկ Միլիի խոսքով՝ բանակցությունների հիմնական թեման Կիևին ռազմական օգնության համակարգումն է։
«Առաջիկա մի քանի շաբաթները շատ կարևոր են լինելու: Ուկրաինան մշտական աջակցության կարիք ունի՝ մարտի դաշտում հաջողության հասնելու համար: Դա է հանդիպման նպատակը»,- ասել է նա։
Փետրվարի 24-ին Ուկրաինայում Ռուսաստանի սանձազերծած պատերազմի մեկնարկից ի վեր ԱՄՆ-ն Ուկրաինային տրամադրել է 3,7 միլիարդ դոլարի զենք՝ Javelin հակատանկային հրթիռներից և Switchblade անօդաչու սարքերից մինչև հաուբիցներ:
Կիրակի ԱՄՆ պաշտպանության նախարարը պետքարտուղար Էնթոնի Բլինքենի հետ Կիևում հանդիպել է Ուկրաինայի նախագահ Վլադիմիր Զելենսկիին։
Կիև այցից հետո հայտարարվել է լրացուցիչ 713 միլիոն ռազմական օգնության մասին (322 միլիոնը՝ Կիևին, մնացածը՝ ԱՄՆ 15 դաշնակիցներին, որոնք Ուկրաինային զենք են տրամադրել)։
Տաթև Ֆռանգյան
