13.12.2024 | 17:52
«Վրացական երազանքն» անջատել է նախագահի նստավայրի ջեռուցումը․ Խազարաձե
Ծխախոտի մնացուկը մեքենայից դուրս գցելու համար 5000 դրամ տուգանքը քիչ է․ 50 000 պետք է լինի․ քաղաքապետ․ ՏԵՍԱՆՅՈՒԹ
25.04.2022 | 11:58
Երևանի քաղաքապետարանու գործակարգավարական հերթական խորհրդակցության ընթացքում քաղաքապետ Հրաչյա Սարգսյանն, ի թիվս այլ հարցերի, անդրադարձավ նաև քաղաքի մաքրությունը պահպանելու համար նախատեսված տուգանքներին։
«Շինարարություն է ընթանում, ավտոմեքենաները կեղտոտ անիվներով երթևեկում են փողոցներով… Մեծ շինարարություն ունենալու դեպքում դժվար չէ ջուր և լվացող սարք ունենալ և մեքենայի անիվները լվանալ… Բոլոր շինարարական կազմակերպություններում պետք է ստուգումներ իրականացվեն՝ արդյոք ունեն համապատասխան կահավորանքը և արդյոք իրականացնում են այդ աշխատանքը, թե ոչ: Որ ընկերությունը չունի, պետք է տուգանել»,- նշեց Սարգսյանը:
Քաղաքապետը հետաքրքրվեց, թե չսահմանված վայրում աղբ թափելու համար որքան տուգանք է նախատեսված: Փոխքաղաքապետ Կամո Արեյանը տեղեկացրեց՝ սկսվում է 40 հազար դրամից. «Նոր խստացում է նախատեսված անցյալ տարվանից՝ ջրային կառույցների և օտարման գոտիներում շինարարական աղբ թափելու համար տուգանքը մեկ միլիոն դրամից ավելի է»:
Փոխքաղաքապետը նաև հավելեց, որ ավտոմեքենայից ծխախոտի մնացուկ նետելու համար պատասխանատուն ՃՈ-ն է, որի համար 5 հազար դրամ տուգանք է նախատեսված: «Դա բավականին քիչ գումար է, պետք է տասնապատիկը սահմանել՝ 5 հազարից 50 հազար դրամ դարձնել»,- առաջարկեց քաղաքապետը:
Մանրամասները՝ տեսանյութում:
