12.01.2025 | 15:50
Յուրաքանչյուր դատավոր պետք է գործի բացառապես օրենքի և իր խղճի թելադրանքով. ՀՀ նախագահ․ ՏԵՍԱՆՅՈՒԹ
Վանեցյանի ակցիայի ծանուցման ժամկետն անցել է. ՀՀ փոխոստիկանապետ
Քաղաքականություն
22.04.2022 | 16:12
ՀՀ կառավարության հերթական նիստի ավարտից հետո Կառավարության անդամները պատասխանում են լրագրողների հարցերին։
Ազատության հրապարակում ոստիկանությունը չի թույլատրում վրաններ տեղադրել, քանի որ հավաքներ իրականացնելուն առնչվող օրենքով է առաջնորդվում: Կառավարության նիստից հետո լրագրողների հետ զրույցում նման կարծիք հայտնեց ՀՀ փոխոստիկանապետ Արա Ֆիդանյանը:
Նշենք, որ ընդդիմադիրները հայտնել են, որ Ազատության հրապարակում ակցիա իրականացնողների համար՝ ինչպես 44-օրյա պատերազմի մասնակից երկու տղաների, այնպես էլ «Պատիվ ունեմի» ղեկավար Արթուր Վանեցյանի համար ոստիկանությունը չի թույլատրում վրան տեղադրել, որպեսզի ցրտից կամ արևից պաշտպանվեն:
ՀՀ փոխոստիկանապետը պարզաբանեց, որ նախկին ԱԱԾ տնօրեն Արթուր Վանեցյանի նստացույցի վերաբերյալ ծանուցման ժամկետն անցել է։
«Հավաքներ անցկացնելու համար պետք է լինեն համապատասխան ծանուցումներ, որոնց ընդունման դեպքում հնարավոր կլինի տեխնիկական կամ այլ տիպի սարքավորումներ տեղադրել:
Վանեցյանի ակցիայի հետ կապված՝ մենք շտապ ակցիա իրականացնելու ծանուցում ենք ստացել ապրիլի 17-ին, շտապ ակցիան իրենից ենթադրում է ընդամենը 6-ժամյա գործունեություն, մինչդեռ, բնականաբար, վեց ժամը չէր կարող տևել մինչ այսօր»,-ասաց Ֆիդանյանը:
Հարցին, թե ստացվում է՝ Վանեցյանի ակցիան օրինական չէ, հնարավո՞ր է՝ ոստիկանները ցրեն այն, փոխոստիկանապետը պատասխանեց, որ հիմա աշխատում են այն ուղղությամբ, որ լրացուցիչ այլ միջոցներ չտեղադրվեն Ազատության հրապարակում:
«Փորձում ենք զերծ մնալ լրացուցիչ լարվածությունից»,-ասաց Ֆիդանյանը:
Մանրամասները՝ տեսանյութում:
