06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Չի ստորագրվի Արցախի հետ կապված որևէ փաստաթուղթ` առանց հանրային լայն քննարկման. Փաշինյան․ ՏԵՍԱՆՅՈՒԹ
Քաղաքականություն
22.04.2022 | 16:05
Ընթանում է ՀՀ կառավարության հերթական նիստը։ Վարչապետ Փաշինյանը, նախքան օրակարգային հարցերին անդրադառնալը, ամփոփեց ՌԴ կատարած պաշտոնական այցը, անդրադարձավ Վլադիմիր Պուտինի հետ հանդիպման արդյունքներին, արցախյան խնդրի կարգավորմանը:
Փաշինյանը վստահեցրեց, որ Արցախի հետ կապված որևէ փաստաթուղթ` առանց հանրային լայն քննարկման չի ստորագրվի։
ՀՀ վարչապետը տեղեկացրեց, որ աննախադեպ ծավալի ներդրումներ են իրականացվում Արցախում:
«Արցախը պահել՝ նշանակում է արցախցուն պահել Արցախում: Հայաստանը պահել՝ նշանակում է հայաստանցուն պահել Հայաստանում, մի բան էլ հեռացածներին վերադարձնել: Իսկ սա առանց խաղաղության հնարավոր չէ: Պարզապես բացառում եմ, որ գոյություն ունենա ստորագրմանը շատ թե քիչ մոտիկ մի փաստաթուղթ, որը ստորագրվի առանց լայն հանրային քննարկման, այդ թվում՝ Արցախի հանրության բոլոր շերտերի հետ: Երկաթյա երաշխիք, որ Արցախի ճակատագիրը չի կարող որոշվել ժողովրդի թիկունքում:
Այս առումով հոռետեսները բերում են նոյեմբերի 9-ի եռակողմ հայտարարության օրինակը, որը ստորագրվեց առանց լայն հանրային քննարկման: Սա տարօրինակ համեմատություն է, որովհետև պատերազմի պայմաններում ժամերի, երբեմն րոպեների ընթացքում պիտի որոշում կայացվեր հազարավոր արցախցիների, 25 հազար զինվորի կյանքը և Արցախը հայաթափումից փրկելու համար, և համեմատությունները պարզապես տեղին չեն»,- նշեց վարչապետը:
Մանրամասները՝ տեսանյութում:
