22.04.2026 | 21:01
Մարտին Պողոսյանը՝ ծանրամարտի Եվրոպայի առաջնության բրոնզե մեդալակիր
Արդեն կորսված իրավիճակ է․ կատարվելիքը կատարվել է․ Գլխավոր դատախազը՝ Հովիկ Աբրահամյանի առանձնատան վաճառքի մասին․ ՏԵՍԱՆՅՈՒԹ
Հասարակություն
22.04.2022 | 12:19
ԱԺ պետաիրավական հարցերի մշտական հանձնաժողովում ՀՀ գլխավոր դատախազ Արթուր Դավթյանը ներկայացրեց դատախազության 2021 թվականի գործունեության մասին հաղորդումը:
«Քաղաքացիական պայմանագիր» խմբակցության պատգամավոր Արփի Դավոյանը գլխավոր դատախազին հարց ուղղեց ՀՀ նախկին վարչապետ Հովիկ Աբրահամյանի առանձնատան վաճառքի շուրջ ստեղծված իրավիճակի մասին:
«Դուք ասել էիք՝ տարակուսած եք, թե ինչպես էր վաճառվել նախկին պաշտոնյայի՝ կալանքի տակ գտնվող գույքը: Ասել էիք նաև, որ քննիչը շտապել է և առանց դատախազին իրազեկելու, չսպասելով բողոքարկման ժամկետի ավարտին՝ գրություն է ուղարկել Կադաստրի կոմիտե: Սա եթե Ձեզ մոտ տարակուսանք է առաջացրել, պատկերացրեք՝ մեզ մոտ ինչ է առաջացրել, տարակուսանքը մեղմ է ասված»,- նշեց Դավոյանը և հետաքրքրվեց՝ ի՞նչ եղավ, որ այսպես եղավ, պարոն Դավթյան:
«Հաշվի առնելով այն հանգամանքը, որ այս իրավիճակում ունենք ձևավորված հաստատուն պրակտիկայից տարբերվող այլ իրադրություն և նաև մեր կատարած ուսումնասիրությունների արդյունքում պարզել ենք, որ տեղի են ունեցել նաև գույքի հետ կապված գործարքներ, հիմքեր են առաջացել ստուգելու այդ հանգամանքները, դրա համար ԱԱԾ Քննչական մարմնում այս պահի դրությամբ հարուցված է քրեական գործ՝ ՔՕ 308 հոդվածի հատկանիշներով… Բայց արդեն կորսված իրավիճակ է․ կատարվելիքը կատարվել է»,- ընդգծեց Գլխավոր դատախազը:
Մանրամասները՝ տեսանյութում:
