09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Վտանգավոր ենք համարում առանց հիմնավոր փաստաթղթերի ՀՀ քաղաքացիություն շնորհելը. ՀՀ փոխոստիկանապետ․ ՏԵՍԱՆՅՈՒԹ
Հասարակություն
21.04.2022 | 15:45
«ՀՀ կառավարության 2007թ. որոշմամբ սահմանված են ՀՀ քաղաքացիություն ստանալու, ինչպես նաև այն դադարեցնելու համար անհրաժեշտ փաստաթղթերը ներկայացնելու, դիմումների քննարկման կարգը և եկեղեցական այն կառույցների ցանկը, որոնց կողմից տրված մկրտության մասին փաստաթուղթը համարվում է ազգությամբ հայ լինելը հաստատող փաստաթուղթ»,- ԱԺ պետական-իրավական հարցերի մշտական հանձնաժողովում այսօր հայտնեց ոստիկանության պետի տեղակալ Արա Ֆիդանյանը՝ ներկայացնելով «ՀՀ քաղաքացիության մասին» օրենքում փոփոխություններ և լրացումներ կատարելու մասին հարցը:
Նրա խոսքով՝ դեռևս, օրենքով ՀՀ կառավարությանը տրված չէ այդ կարգերից օգտվելու հնարավորություն և նախագծով գործադիրին օրենքով հնարավորություն կտրվի օգտվել մոտ 13 տարի առաջ ընդունված որոշումներից:
«Առանց հիմնավոր որոշակի փաստաթղթերի առկայության ՀՀ քաղաքացիության շնորհումը մենք անչափ վտանգավոր ենք դիտարկում»,- անդրադառնալով պատգամավորների առաջարկներին՝ ընդգծեց փոխոստիկանապետը:
Հանձնաժողովի նիստին ներկա ՔՊ պատգամավորները միաձայն ընդգրկեցին նախագիծը ԱԺ օրակարգ և սահմանեցին քննարկման 24-ժամյա ռեժիմ:
Մանրամասները՝ տեսանյութում:
