14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
ՆԱՏՕ-ն մտադիր է թույլ չտալ ՌԴ հաղթանակն Ուկրաինայում, Սիմոնյանի՝ Բալի գործուղման գինը․ Լուրեր
Քաղաքականություն
20.04.2022 | 17:43
- Շարունակվում է վարչապետ Նիկոլ Փաշինյանի պաշտոնական այցը Մոսկվա։ Այցի շրջանակում նա այցելել է Ռուսաստանի Դաշնության Պետական Դումա` հանդիպում ունեցել Պետդումայի նախագահ Վյաչեսլավ Վոլոդինի հետ. տեղեկացնում են ՀՀ վարչապետի աշխատակազմից։ Վոլոդինի խոսքով՝ Փաշինյանի պաշտոնական այցը երկկողմ հարաբերությունների հետագա ընլայնման գործում առանձնահատուկ իրադարձություն է:
- Ազգային ժողովի նախագահ Ալեն Սիմոնյանի գլխավորած պատվիրակության Բալի գործուղումը պետական բյուջեի վրա արժեցել է շուրջ 19 մլն դրամ։ Գումարը ներառում է ավիատոմսը, օրապահիկը և հյուրանոցային ծախսերը։ Այս մասին Factor.am-ի գրավոր հարցմանն ի պատասխան հայտնել են Ազգային ժողովի աշխատակազմից։ Ինդոնեզիա գործուղման մեկ օրվա համար տրվել է 70 դոլար։ Սա 11 հոգու վեց օրվա դեպքում ընդհանուր կազմել է 4620 ԱՄՆ դոլար, որը համարժեք է 2 մլն 120 հազար դրամի։
- Գերմանիայի կանցլեր Օլաֆ Շոլցը հայտարարել է, որ ՆԱՏՕ-ի անդամ երկրներն ու նրա գործընկերները Սպիտակ տան հետ տեսակոնֆերանսի ժամանակ համաձայնության են եկել, որ չպետք է թույլ տան ռուսական բանակի հաղթանակն Ուկրաինայում։ Կանցլերը դիմել է Ռուսաստանի նախագահ Վլադիմիր Պուտինին նշելով՝ դադարեցրե՛ք ուկրաինական քաղաքների գնդակոծությունը, թույլ տվեք անհապաղ զինադադար հաստատել և հետ քաշեք ձեր զինվորներին։ Դադարեցրեք այս սարսափելի պատերազմը։
Այս ժամի լուրերը՝ տեսանյութում։
