20.04.2026 | 16:30
Հայտնաբերվել է 393 ոչ սթափ վարորդ․ պարեկների անցած շաբաթվա ծառայության արդյունքները
Գործուղումները վերնագրում են «փողերի մսխում» կամ «վատնում». հարաբերական է դրան գնահատական տալը. Սիսակ Գաբրիելյան․ ՏԵՍԱՆՅՈՒԹ
Քաղաքականություն
19.04.2022 | 12:53
Այսօր տեղի ունեցավ Հայաստանում մեդիային վերաբերող օրենսդրության բարեփոխումների անհրաժեշտության խնդրին նվիրված կլոր սեղան, որի արդյունքներով նախատեսվում է, որ Հայաստանի Հանրապետության արդարադատության նախարարությունը, Ազգային ժողովի Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովը և Խոսքի ազատության պաշտպանության կոմիտեն, որը գործում է լրագրողական 10 հասարակական կազմակերպությունների կողմից տրված լիազորագրի հիման վրա, կստորագրեն Համագործակցության հուշագիր:
ԱԺ Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Սիսակ Գաբրիելյանը շեշտեց, որ Համագործակցության հուշագրի ստորագրումը հասարակական կազմակերպությունների հետ, եթե ոչ աննախադեպ, ապա գոնե հազվադեպ հանդիպող երևույթ է:
«Նախնական քննարկումների արդյունքում բոլորս էլ ե՛ւ օրենսդիրում, ե՛ւ գործադիրում, ինչպես նաև լրագրողական կազմակերպությունների հետ առանձին, հատվածային շփումների արդյունքում հասկանում էինք, որ ժամանակակից տեխնոլոգիական զարգացման այս դարաշրջանում և ընդհանրապես նոր իրավիճակային պայմաններում մեդիային վերաբերող օրենսդրությունն իսկապես ունի որոշ հատվածներում, ոլորտներում, ճյուղերում նաև արմատական և խորքային փոփոխությունների անհրաժեշտություն, և հենց այդ քննարկումների արդյունքում էլ ծագեց այս գաղափարը, որ եթե օրենսդիրը, գործադիրը և քաղհասարակության ներկայացուցիչները իսկապես տեսնում են նույն խնդիրը՝ ավելի նպատակահարմար կլինի այդ խնդրի լուծմանը գնալ միասնական ջանքերով»,- նշեց Գաբրիելյանը:
«Գործուղումները վերնագրում են «փողերի մսխում» կամ «վատնում». հարաբերական է դրան գնահատական տալը»,- ասաց Սիսակ Գաբրիելյանը։
Մանրամասները՝ տեսանյութում:
