16.07.2026 | 10:14
Արման Ծառուկյանը չի բացառել մասնակցությունն Օլիմպիական խաղերին
Շառլ Միշելն իր աջակցությունն է հայտնել Փաշինյանի ջանքերին
Քաղաքականություն
19.04.2022 | 16:01
ԵՄ խորհրդի նախագահ Շառլ Միշելն իր աջակցությունն է հայտնել ՀՀ վարչապետ Նիկոլ Փաշինրանի ջանքերին՝ աջակցելու Հարավային Կովկասում կայունությանն ու անվտանգությանը։ Այս մասին նա գրել է իր Twitter-ի էջում։
«Զրուցեցի վարչապետ Նիկոլ Փաշինյանի հետ՝ հետամուտ լինել Բրյուսելում մեր վերջին քննարկումներին:
Ամբողջական աջակցություն նրա և բոլոր ջանքերին` նպաստելու խաղաղ, կայուն և անվտանգ Հարավային Կովկասին»,- գրել է Շառլ Միշելը։
Spoke with Prime Minister @NikolPashinyan to follow up on our recent discussions in Brussels.
Full support to his and all efforts to promote a peaceful, stable and secure South Caucasus.
— Charles Michel (@eucopresident) April 19, 2022
Հիշեցնենք՝ վարչապետ Փաշինյանը երեկ էր հեռախոսազրույց ունեցել ԵՄ խորհրդի նախագահ Շառլ Միշելի հետ։ ՀՀ կառավարության լրատվական ծառայության հաղորդմամբ՝ զրուցակիցները մտքեր են փոխանակել ԵՄ խորհրդի նախագահի, Հայաստանի վարչապետի և Ադրբեջանի նախագահի ապրիլի 6-ին Բրյուսելում տեղի ունեցած հանդիպման ընթացքում ձեռք բերված պայմանավորվածությունների կատարման ընթացքի, տարածաշրջանում ստեղծված իրավիճակի, Հայաստան-ԵՄ հարաբերությունների օրակարգի մի շարք հարցերի մասին: Փաշինյանը եւ Միշելը քննարկել են նաւ ԵՄ-ի Արեւելյան գործընկերության տնտեսական և ներդրումային պլանի շրջանակներում Հայաստանին 2.6 միլիարդ դոլար հատկացնելու պայմանավորվածության կատարման ընթացքը, ընդգծել ներդրումային փաթեթով նախատեսված ծրագրերի արդյունավետ իրագործման կարեւորությունը: Շառլ Միշելը վերահաստատել է Հայաստանի համար նախատեսված ներդրումային ծրագիրը լիարժեք կերպով իրականացնելու ԵՄ հանձնառությունը և ընդգծել ծրագրերի գործնական իրագործման փուլը հնարավորինս արագ սկսելու կարեւորությունը:
Տաթև Ֆռանգյան
