03.02.2026 | 13:13
Բիլ և Հիլարի Քլինթոնները համաձայնել են Կոնգրեսին ցուցմունք տալ Էփշտեյնի գործով
Կա՛մ լուծում ենք ԼՂ կոնֆլիկտը, կա՛մ ստատուս քվոն պահում բարձր գնով՝ մարդկային կյանքեր, վտանգված ՀՀ ինքնիշխանություն․ Մարիա Կարապետյան․ ՏԵՍԱՆՅՈՒԹ
Քաղաքականություն
18.04.2022 | 21:32
Վարչապետ Նիկոլ Փաշինյանն օրերս ԱԺ ամբիոնից հայտարարեց․ «Այսօր միջազգային հանրությունը մեզ հստակ ասում է՝ լինել աշխարհի միակ երկիրը, որ երկկողմ մակարդակում չի ճանաչում Թուրքիայի դաշնակից Ադրբեջանի տարածքային ամբողջականությունը, մեծ վտանգ է ոչ միայն Արցախի, այլև Հայաստանի համար»:
Factor TV-ի հարցազրույցում ԱԺ «Քաղաքացիական պայմանագիր» խմբակցության պատգամավոր Մարիա Կարապետյանին հարց ուղղեցինք՝ ինչո՞ւ է միջազգային հանրությունն այսօ՛ր ասում նման բան, գուցե ի դեմս իշխող ուժի՝ թույլ կո՞ղմ են տեսել, փորձ է արվում շանտաժային գործիքնե՞ր կիրառել՝ հավանական պատերազմում որևէ կերպ ՀՀ-ին չաջակցելու զգուշացումով։
«Միջազգային հանրությունը 1994 թվականից նույն բաներն է ասում։ Պարզապես այստեղ հարցը մերն է՝ կա՛մ մենք փորձում ենք լուծել հակամարտությունը, կա՛մ փորձում ենք պահպանել ստատուս քվոն, որի համար գինը շատ բարձր է՝ մարդկային կյանքեր, անընդհատ վտանգված Հայաստանի Հանրապետության տարածքային ամբողջականություն և ինքնիշխանություն»,- պատասխանեց իշխանական պատգամավորը։
Հարցազրույցն ամբողջությամբ՝ տեսանյութում։
Ռոբերտ Անանյան
